Рæстæг куыд цæуы, афтæ цардæй домы цавæрдæр ивддзинæдтæ. Раздæр адæмæн ахсджиаг цы уыди, уый ныртæккæ ахсджиаг нал у. Адæм тырныц ног зонындзинæдтæм. Сæхи фæлварынц алыуызон хъуыддæгты.
Чидæр йæ фæлтæрддзинад фылдæр кæны юридикон, кæнæ та экономикæимæ баст дæсныйæдты. Иннæ сахуыр кæны ахуыргæнæгыл, дохтырыл, инженерыл. Уæдæ ис, йæ цард спортимæ чи сбæтты, ахæм адæм дæр. Ирыстоны уæлдай бирæ сты. Сæ нæмттæ хъуыстгонд сты æгас дунейыл дæр.
Уыимæ ма сын арæзт цæуы алы мадзæлттæ. Зæгъæм, нæ республикæйы æрæджы байгом сты ног ахуыргæнæндæттæ. Уыдоны ‘хсæн сты Мæздæджы ног скъола, Дзæуджыхъæуы гимнази «Диалог» æмæ Футболон академи «Алани». Куыд кусынц, стæй цы ахъаз сты нæ республикæйæн, уый тыххæй аныхас кæндзыстæм нæ уазджытимæ.
Не студимæ æрбахуыдтам: гимнази «Диалог»-ы ахуыргæнæг Меладзе Мадинæйы, Мæздæджы 3-æм скъолайы директор Дзебойты Фатимæйы, Мæздæджы минæвæртты æмбырды депутат Бæзыты Ларисæйы æмæ футболон академи «Алани»-йы ахуыргæнæг Зæнджиаты Миленæйы.
