Ног уæлæфтуан транспортæн, хæринаггæнджыты ерыстæ, Нарты кадджыты бындурыл, стæй чызджыты изæртæ æмæ нæ телекомпанийы гуырæнбон

Сæ рæстæгыл уæм хæццæ кæнæм нæ дзуринæгтæ. Рæхджы хъуамæ республикæйы транспортæн фæзына уæлæфтуан. Йæ фæрцы бæрæг уыдзæн, автобустæ, трамвайтæ æмæ маршрутон такситæй чи кæм ис, уый. Базарадон-экономикон техникумы та республикæйы ахуырдзаутæн сарæзтой хæринаггæнджыты ерыстæ. Нæ уазджытæ куыд загътой, афтæмæй рауад мидисджын æмæ зæрдæмæдзæугæ. Дзырдтам ма, нæ республикæйы Нарты кадджыты бындурыл цы этникон фестиваль сараздзысты, ууыл дæр. Чи йæ фена хи цæстæй, уый, зæгъынц, фæсмонгонд нæ фæуыдзæн. Уæдæ Ирыстоны чызджытæ та æвзыгъд сты æгъдæуттæ фидар кæнынмæ. Куырттаты комы сараздзысты, ирон цардыуаджы миниуджытæ кæм равдисдзысты, ахæм изæр. Æрмæст дзы нæлгоймæгтæм не `нхъæлмæ кæсынц. Уæдæ программæйы кæронбæттæны та нæхи кой кодтам. Абон нæ телекомпанийыл сæххæст 6 азы. Нæ студимæ фæдзырдтам нæхи `мкусджытæм.