Диссаг у æрдзы сконд: адæймаг иунæгæй нæ фæразы, – йæ зæрдæ мæгуыр кæны. Ис ахæм æмбисонд: «Сыхаг бирæ хæстæгæй æввахсддæр æмæ зынаргъдæр вæййы». Нæ студийы уазджытæ раргом кæндзысты сыхбæстимæ баст мысинæгтæ.

Иу зайæгой дæр æнæ зæххæй нæ цæры. Стон æй, уæд бахус уыдзæн, æмæ йæ уæд кæнæ аппар, кæнæ йын йæ хус æмæ æгъуыз сыфтæм кæс. Афтæ адæймаг дæр. Стон æй йæ райгуырæн зæххæй, фæхицæн æй кæн йе взаг æмæ йе гъдæуттæй, æмæ йæ уд сафтид æмæ смæгуыр уыдзæн. Уæвгæ, цард алыхуызон рауайы. Адæймаджы йæ хъысмæт кæдæм нæ ахæссы, иу ахæм нæй. Фæлæ цалынмæ йæ бастдзинад йæ Фыдыбæстæимæ нæ аскъуыны, уæдмæ фæцæрынц уыцы уидæгтæ дæр. Махæн иууылдæр нæ уидæгтæ сты нæ иры зæххы, зæрдæйы тæгтæй та баст стæм нæ иры урс хæхтæм. Ацы хатт равдыст «Æндæхтæ»-йы студийы уазджытæ Ирыстонæй дард чи цæры, цард, кæнæ йæ дæсныйадмæ гæсгæ дзæвгар рæстæг дард чи вæййы, уыдон. Цавæр æнкъарæнтæ цæм ис, уый та сæхæдæг дзурдзысты.

Кæддæриддæр ирон адæм бæллыдысты фырты райгуырдмæ. Уый, иуæй, бындур уыд, иннæмæй та, ныфс æмæ хъару. Йæ райгуырды номыл Ирыстоны фæкæнынц Кæхцгæнæнтæ. Уыцы æгъдауимæ баст хъуыддæгтæ æргом кæнынц нæ студийы уазджытæ.

Ирон адæймагæн йæ алы архайд, йæ алы сныхас дæр æгъдауимæ баст у. Æвæрд дзы ис бæлвырд хъуыды. Фæлæ рæстæгимæ нæ æгъдæуттæй кæцыдæртæ рох кæнын байдыдтам. Уый фыдæй фæзæгъæм «комæй коммæ хицæн æгъдау ис».

Цымæ куадзæн афтæ цæмæн хуыйны, æмæ æйчытæ ахоргæ цæмæн фæкæнынц? Ацы æмæ æндæр фарстытæн дзуæппытæ ратдзысты программæ «Æндæхтæ»-йы архайджытæ.

Нæ æндæхты тæгтæ та ногæй æртыхтам нæ къуыбылойыл. Зонындзинæдтæ ноджы фылдæр кæнæм. Уæдæ нæ равдысты темæ дæр хуымæтæджы афтæ не схуыдтам. Нæ студийы уазджытæ радзурдзысты чиныджы æмæ йæ саразыны сусæгдзинæдты тыххæй.

Дуг размæ куыд цæуы, афтæ ивгæ цæуынц кæцыдæр æгъдæуттæ дæр, кæцыдæртæ та дзы бынтон рохуаты аззайынц. Уыдонмæ хауы Рæстæйы бæрæгбон дæр. Уæдæ нын хорз фадат ис Цæрвкъахæнты æрныхас кæнын уалдзæджы бæрæгбонтыл.

Алы адæймагæн дæр йæ царды фыццаг къахдзæфтæ йæ сабибонтæй райдайынц. Æппæтæй адджындæр мысинæгтæ уыдонимæ баст сты. Сывæллон сыгъдæг сыфы хуызæн у. Æмæ йын йæ цардвæндаг, йæ уды цы миниуджытæ сырæзын кæнай, уымæй аразгæ у. Уыимæ ма дзы æрдзон курдиат, йæ туджы цы уа, уымæн дæр стыр нысаниуæг ис. Программа «Æндæхтæ»-йы уазджытæ курдиатджын сывæллæттæ. Цавæр курдиаттæ цæм ис, уый та фенут уæхи цæстæй.

Æгас Дунеимæ Ирыстон дæр цыппурсы мæйы фæстаг бон сæмбæлд Ног азыл. Фæлæ махæн, ирон адæмæн зæронд Ног аз раздæрау фарн хæссæг у. Афæдзы бæрæгбæттæн сæ фыццаг, сæ райдайæн. Проект «Æндæхтæ» бæрæгбонмæ бацæттæ кодта ног равдыст. Йæ архайджытæ дзы раргом кæндзысты фыдæлтыккон æгъдæуттæ.

Рагæй-æрæгмæ дæр ирон адæммæ ахсджиаг уыди лæппуйы афтæ схъомыл кæнын, цæмæй йæ бон хæдзар фæдарын дæр уа, æмæ æгъдау раттын дæр. Куыд æй ахуыр кодтой æмæ хъус цæмæ дардтой, уый тыххæй та дзурæм нæ программæйы.