Ног азы адæм фенхъæлмæ кæсынц ног тыхтæм, ног амондимæ. Равдыст «Æмбалджынтæ»-йы уазджытæ дæр афтæ хъуыды кæнынц. Цавæр бæллицтæ сæм ис, уый та раргом кодтой нæ студийы.

Алы адæймаг дæр Ног азмæ йæхи бæстойнæй фæрæвдз кæны. Кæмæндæр заз бæласыл ног хъазæнтæ æрцауындзын ахсджиагдæр вæййы, кæмæндæр та — йæ æнтыстытыл ахъуыды кæнын. Æмæ ууыл у нæ эфиры ныхас дæр.

Цай фыццаг хатт фæзынд Китайы 2700 азы размæ. Китайаг адæмы уырны цайы тых кæй ис, уый. Уымæн сæм цай цымыны æгъдау бæрзонд æвæрд у. Цымæ ирыстойнæгтæн та битъынайы цайæ уæлдай сæ уарзондæр цай цавæр у?

Нывгæнæджы дæсныйад рагзаманты фæзынд. Фыссынад нæма уыд, фæлæ уыди дуртыл конд нывтæ. Уыцы хъуыддаг адæмы рæзтыл тынг сахадыдта. Уыдон уыдысты цивилизацийы фыццаг къахдзæфтæ.

Ныр фондз азы дæргъы, афæдзы мидæг 365 боны Национ телеуынынад фæкусы йæ телевизормæ кæсджытæн. Фæллой нæм кæны 200 адæймаджы бæрц, æмæ иуылдæр архайынц бæрнонæй æмæ зæрдиагæй. Уæдæ телеуынынадмæ кæсæгæн чи лæггад кæны, уыдоны æрвылбоны куысты тыххæй нæ программæ «Æмбалджынты» сæрмагонд рауагъд.

Алы адæймагæн дæр йæ мадæй зынаргъдæр ничи ис. Уый фæрцы фенæм хуры фыццаг тын. Фыццаг къахдзæфтæ уый руаджы акæнæм. Нæ бæрæгбоны программæйы ныййарæджы тыххæй бирæ цымыдисаг цаутæ æрæмбырд кодтам. Фембæлдыстæм ныййарджытимæ æмæ зындгонд адæмы мадæлтимæ. Æмæ сæ равдыстам иу программæйы.

Куыд фæзæгъынц, сабырдзинадæй, хуыздæр царды ницы ис. Уыцы хъуыддагыл чи кусы æмæ адæм йæ бæрны кæмæн сты, уыдоныл уыд нæ равдыст. Нæ студийы нын раргом кодтой сæ дæсныйады сусæгдзинæдтæ.

Кино 227 азы дæргъы адæмы зæрдæтæ сыгъдæг кæны. Кæмæндæр æхцон æнкъарæнтæ лæвар кæны, кæмæндæр та царды фæндаг амоны. Кино йæ фæндаг райдыдта, урс æмæ тар кæй хонынц, ахæм хуызты кинонывтæй.

Аивады ахсджиаг хай у балет. Куыд театр, музыка афтæ балет дæр адæмы удтæ сыгъдæг кæны, гуырын кæны уæлмонц æнкъарæнтæ. Сусæггаг нæу, бирæ тыхтæ кæй домы, уый дæр. Фæлæ йæм уæддæр тырнынц. Цæмæн? Уый тыххæй та дзурынц равдыст «Æмбалджынтæ»-йы уазджытæ.

Æрдзыл аудын æмæ алфамблай рæсугъд кæнын у алы адæймаджы хæс дæр. Уыцы хъуыддаг тынг фæцыди равдыст «Æмбалджын»-ты амонджытæм дæр, æмæ йыл сфæнд кодтой бæстондæрæй æрныхас кæнын.