Цæргæсау йæхи уæларвæй знагыл чи цавта, уыдонæй иу уыд Остъаты Алексей. Хæст æй æрæййæфта 208-æм авиацион полчы авиаэскадрильяйы командыгæнæджы бынаты.
Бахъуыд, зæгъгæ, уæд та-иу Остъайы-фырт йе `фсæн маргъы базыртæ арвы цъæхты сæрттивын кодта. Ирон лæг удхортæн тæригъæд нæ зыдта.
Йæ хъазуатондзинады тыххæй йын саккаг кодтой Советон Цæдисы хъайтары ном. Цæгат Ирыстоны хæстонтæй Остъаты Алексей уыцы кадджын номхыгъды ссис æппæты фыццаг.