Афтæ фæзæгъынц, адæймаг куы райгуыры, уæд йæ цардвæндаг бæрæг вæййы. Мæнмæ уый кæддæриддæр цымыдисаг каст. Цымæ дæм уæд цы æнхъæлмæ кæсы, уый базонæн ис? Кæуыл æмбæлдзынæ, цæуыл цин кæндзынæ? Цымæ мæ абоны уазæджы искуы фæндыд уый базонын?
Уый нæ зонын. Фæлæ мæ бон фидарæй зæгъын у — бирæ адæмы хъæсмæт банкъардта, йæ зæрдæйы бирæты рыст æмæ уарзондзинад ис. Уæвгæ, алы фæлгонц дæр актеры миддунейы арф фæд ныууадзы. Уый литературон хъайтарты кæм сусæг, кæм æргом цард у. Фæлæ актертæм сæхимæ та цавæр монцтæ ис?