Фæзминаг кæстæртæ

Сабанты Ирбег у нæ республикæйы нывгæнджыты Цæдисы уæнг. Курдиатджын нывгæнæг арæх фæархайы алыхуызон равдыстыты, кæны æхсæнадон куыст. Æнтыстджынæй сфæлдыстадыл æфтауы кæстæр фæлтæры — аивады ахорæнтæй хъæздыг кæны Алайнаг гимназы ахуырдзауты зæрдæтæ. Йæ къухы бирæ кæмæн æфты, уыцы æрыгон нывгæнæг сси нæ равдысты хъайтар дæр.

Кировы районы Культурæйы галуаны ныр 10 азы кусы балалайкæйыл æвзонг цæгъдджыты къорд. Разамынд ын дæтты музыкæ, балалайкæ æмæ сабитыл тынг æнувыд чи у, ахæм адæймаг — Реуазты Алан.

Мах сæ бабæрæг кодтам репетициты рæстæг. Хистæр сывæллæттæ хъуамæ ацыдаиккой Железноводскмæ, национ культурæты 6-æм æппæтдунеон фестивалы архайынмæ. Балцы размæ ма иу хатт æркастысты сæ репертуармæ. Кæстæр артисттæ та сæхи цæттæ кодтой районы концертмæ.

Цæрын кæй кæнды, уый æдзæрæг ран дæр æрфидар уыдзæн, ауадздзæн дзы уидæгтæ. Дурыл, кæнæ айнæгыл цы бæлæстæ æрзайы, уыдон уымæн сты æвдисæн. Хъуысаты Фатимæ æмæ Дзерассæ дæр, уыцы бæлæстау, риуы ‘мбæрц æрлæууыдысты царды знæт уылæнты ныхмæ æмæ сыл фæтых сты. Æрæджы Хъуысаты дыууæ хойы сарæзтой иумæйаг проект «Лампæ», зæгъгæ. Уый у, алыхуызон культурон æмæ рухстауæн мадзæлтты руаджы адæмы кæрæдзийыл чи бæтты, ахæм арт-клуб.

Æрæджы Ирыстоны хæхбæсты иу иннæйы фæдыл фæзынд 10 цымыдисаг арт-объекты.

Нæ программæйы абоны уазæг у не ‘мкусæг лæппу — æрыгон поэт æмæ журналист, литературон журнал «Мах дуг»-ы дунеон премийы лауреат Уртаты Сæрмæт.

Нæ программæйы уазæг у, йæ райгуырæн зæхмæ уарзондзинад бæлвырд хъуыддæгтæй чи æвдисы æмæ рæзгæ фæлтæрæн, стæй нæ адæмæн зæрдиагæй чи лæггад кæны, ахæм лæппу. Йæ ном – Багаты Эрик, Цæгат Ирыстоны æхсæнадон организаци «Иры фæсивæд»-ы сæрдар.

Ацы фæлмæн, хæрзаив чызг бакастæй, чи зоны, у æгæр æфсæрмыгæнаг æмæ нæуæндаг. Фæлæ йын йӕ уды хъару ӕмӕ йæ ныфсхастдзинадмӕ бирæтæ бахӕлӕг кӕниккой.

Ныр цалдæр азы у хæрзаудæн фонд «Быть добру»-йы уӕнг. Бархионы куысты сæйраг нысаныл нымайы фӕкӕсинаг адæмы фарсмæ æрбалæууын, бӕлвырд хъуыддӕгтӕй сын ӕххуыс кӕнын бахъуаджы сахат, ныфсджындӕр сӕ кӕнын.

Нæ абоны программæйы хъайтар у æрыгон курдиатджын музыкант Габойты Максим. Йе сфæлдыстадимæ мах базонгæ стæм цалдæр азы размæ. Уæд архайдта Анастасия Заволокинайы хъуыстгонд проект «Играй, гармонь»-ы.
Габойты Максим йæхи фæлвары вокалон аивады дæр, ис ын рæсугъд баритон хъæлæс. Музыкæ дæр фыссы. Афæдзы размæ та Беслæны культурæйы галуаны сарæзта адæмон инструментты оркестр æмæ æрлæууыд дирижеры пульты уæлхъус.

Медицинон наукæты кандидат, зындгонд акушер-гинеколог Æлборты Давид у, «Хуыцауæй лæвæрд курдиат» кæмæй фæзæгъынц, ахæм дохтыр. Æрмæст йæ уæздан ныхасæй, йæ къухы фæлмæн бавнæлдæй дæр рынчынты бауадзы ныфс æмæ сæ æрæууæндын кæны йæхиуыл. Уæвгæ та сæ рынчынтæ рахонын бынтон раст нæ уыдзæн. Медицинон æгъдауæй Æлборты Давид лæггад кæны сабийы райгуырдмæ чи æнхъæлмæ кæсы, уыцы сылгоймæгтæн.

Быценты Станислав у нæ республикæйы Парламенты депутат, стæй Мæздæджы районы парти «Иугонд Уæрæсе»-йы регионалон хайады секретарь. Разамынд ма дæтты Мæздæджы спортивон комплекс «Чемпион»-æн дæр. Ахæм бæрнон бынæтты кусгæйæ, Станиславæн фадат ис йе `мзæххонтæн бæлвырд хъуыддæгтæй æххуыс кæнынæн. Фæлæ Ирыстоны Быценты Станиславы фылдæр зонынц, сæ районы цæрджытæн йæхи фæрæзтæй цы социалон проекттæ аразы, уыдонмæ гæсгæ.