Ныр фондз азы дæргъы, афæдзы мидæг 365 боны Национ телеуынынад фæкусы йæ телевизормæ кæсджытæн. Фæллой нæм кæны 200 адæймаджы бæрц, æмæ иуылдæр архайынц бæрнонæй æмæ зæрдиагæй. Уæдæ телеуынынадмæ кæсæгæн чи лæггад кæны, уыдоны æрвылбоны куысты тыххæй нæ программæ «Æмбалджынты» сæрмагонд рауагъд.

Алы адæймагæн дæр йæ мадæй зынаргъдæр ничи ис. Уый фæрцы фенæм хуры фыццаг тын. Фыццаг къахдзæфтæ уый руаджы акæнæм. Нæ бæрæгбоны программæйы ныййарæджы тыххæй бирæ цымыдисаг цаутæ æрæмбырд кодтам. Фембæлдыстæм ныййарджытимæ æмæ зындгонд адæмы мадæлтимæ. Æмæ сæ равдыстам иу программæйы.

Куыд фæзæгъынц, сабырдзинадæй, хуыздæр царды ницы ис. Уыцы хъуыддагыл чи кусы æмæ адæм йæ бæрны кæмæн сты, уыдоныл уыд нæ равдыст. Нæ студийы нын раргом кодтой сæ дæсныйады сусæгдзинæдтæ.

Кино 227 азы дæргъы адæмы зæрдæтæ сыгъдæг кæны. Кæмæндæр æхцон æнкъарæнтæ лæвар кæны, кæмæндæр та царды фæндаг амоны. Кино йæ фæндаг райдыдта, урс æмæ тар кæй хонынц, ахæм хуызты кинонывтæй.

Аивады ахсджиаг хай у балет. Куыд театр, музыка афтæ балет дæр адæмы удтæ сыгъдæг кæны, гуырын кæны уæлмонц æнкъарæнтæ. Сусæггаг нæу, бирæ тыхтæ кæй домы, уый дæр. Фæлæ йæм уæддæр тырнынц. Цæмæн? Уый тыххæй та дзурынц равдыст «Æмбалджынтæ»-йы уазджытæ.

Æрдзыл аудын æмæ алфамблай рæсугъд кæнын у алы адæймаджы хæс дæр. Уыцы хъуыддаг тынг фæцыди равдыст «Æмбалджын»-ты амонджытæм дæр, æмæ йыл сфæнд кодтой бæстондæрæй æрныхас кæнын.

Равдыст «Æмбалджынтæ»-н йæ фæлладуадзæн рæстæг фæци. Уый та ууыл дзурæг у, æмæ цымыдисаг уазджыты æрæмбырд кодтам нæ студийы. Ныхас кæнæм хæринаггæнæджы дæсныйады сусæгдзинæдтыл.

Афæдзы уарзондæр афоныл сæрд хуымæтæджы нымад нæу. Бон — даргъ, хур — райдзаст, изæртæ — хъарм, алфамблай — æрдзы рæсугъд нывтæ, хорз æнкъарæнтæй æххæст бонтæ. Цымæ Ирыстоны адæм та куыд спайда кодтой сæрдæй æмæ сæ ирддæр мысинæгтæ цавæр рауадысты? Ууыл дзурæм равдыст «Æмбалджынтæ»-йы.

Адæймаджы хъысмæт æрмæст тырнындзинад, удуæлдай фæллой æмæ куыстуарзаг зæрдæйæ аразгæ нæу, фæлæ ма нæмтты, нымæцты æмæ фынты нысантæй дæр. Афтæ хъуыды кæнынц равдыст «Æмбалджынтæ»-йы уазджытæ.

Сæрд — фæлладуадзæн рæстæг у! Адæймаг байдзаг вæййы тых æмæ хъаруйæ, йæ размæ сæвæры ног нысантæ. Цымæ Ирыстоны та цавæр хиирхæфсæн мадзæлттæ ис, — уый нын радзырдтой равдыст «Æмбалджынтæ»-йы уазджытæ.