3 азы размæ райдыдта сæрмагонд æфсæддон операци. Фыццаг бонæй дзы сæхи хъазуатонæй æвдисынц не ‘мзæххонтæ. Се ‘хсæн — цалдæргай ӕсымæртæ. Нæ равдысты дæр архайджытӕ дӕр сты, тохы цӕхӕр бавзаринаг кӕмӕн фӕци, уыдон. Сæрибар æмæ рæстдзинадӕн йæхи нывонд кодта дзæнæты бадинаг Джыккайты Шамиль дæр.
Йæ райгуырды 85 азмæ Михайловскæйыхъæуы сарӕзтой номарæн изæр. Адӕмон поэты мах дӕр ӕрымысыдыстӕм нӕ студийы уазджытимӕ. Йæ рæстæгыл аныхас кодтам Тæргæйтты мæйы ирон бæрæгбæттыл дӕр. Куыд сӕ ‘ххӕст кӕнын хъӕуы, уый уыд нӕ дзырды сӕр.
