preloader
сейчас в эфире
21:01
НОВОСТИ 12+
Смотрите Далее
21:30
ТОЛЬКО ФУТБОЛ 12+
22:00
ПАУК 16+
23:05
ЗАГАДКИ ЦИВИЛИЗАЦИИ. РУССКАЯ ВЕРСИЯ 16+
ТВ ПРОГРАММА
НОВОСТИ 12+
close

Сатанайы райгуырд

Выпуск от: 12.11.2018

Уæрхæг æмæ Дзерассæйæн сæ иумæ бацарды боныл афæдз куы сæххæст ис, уæд Уæрхæг амард. Иннæ афæдзы бон куы ‘рæввахс ис, уæд Донбеттырты чызг рарынчын ис. Йæ мæлæт куы ‘рхæстæг ис, уæд загъта йæ дыууæ лæппуйæн: 

— Куы амæлон, уæд-иу мæ фыццаг æртæ ‘хсæвы дзæгъæл ма 

ныууадзут

— хорз лæгæй хæс нæ дарын, æмæ мæ мæрдты дæр нæ 

ныууадздзæн. 

Ус амардис, æмæ йæ бавæрдтой зæппадзы. Бон куы æризæр ис, уæд Уырызмæг райста йæ хæцæнгæрзтæ, ссыди зæппадзы дуармæ æмæ йæ фæхъахъæдта бонмæ. Дыккаг æхсæв дæр та афтæ. Æртыккаг æхсæв Хæмыц дзуры йе ‘фсымæрмæ: 

— Нæ мад нæ хъомыл иумæ куы скодта,

—ацы ‘хсæв та йæ хъуамæ æз бахъахъæнон. 

Уырызмæг ын загъта: 

— Æз дæуыл куы ‘ууæндин, уæд ды гуырдæй кæстæр дæ, æмæ йæ æртæ ‘хсæвы дæр хъуамæ ды бахъахъæдтаис. Хардзау фæкастысты Хæмыцмæ Уырызмæджы дзырдтæ. Райста йæ хæцæнгæрзтæ æмæ фæраст и зæппадзмæ. Лæууы зæппадзы дуармæ Хæмыц, уæдæ цы! Иуахæмы айхъуыста Нарты хъæумæ, æмæ кейцæй куывды зарын цæуы, кæцæй чындзæхсæвы хъæр. Æмæ загъта йæхицæн: «бын бауа, мæлæг рынчыны коммæ чи кæсы! Ам ма мын зæппадзæй мæ мады чи хæссы! Ацæуон æмæ искуы иу чындзæхсæв бахæрон». 

Араст ис æмæ куыддæр зæппадзæй иу чысыл ауад, афтæ зæппадз ныррухс ис, æмæ Уастырджи зæппадзы хуылфы фестад. Нымæтын ехсæй æрцъыкк ласта Дзерассæйы, æмæ Дзерассæ удæгасæй цы уыд, авд ахæмы хуыздæр фестад. Æмæ йæм бацыд. Уый фæстæ та нымæтын ехсæй æрцъыкк ласта Дзерассæйы, æмæ ус фæстæмæ, куыд уыдис, афтæ фестад. Иу афæдз куы рацыд, уæд зæппадзы цурты æрбацæйцыд Нарты фыдбылыз Сырдон. Байхъуыста, æмæ зæппадзæй ссыди сывæллоны кæуын. Рараст ис Сырдон Нартмæ. Æртæ Нарты бадынц æмбырдæй Ныхасы. 

— Фарн уæ ныхасы æмæ уæ райсом хорз! 

— Хорз дæ хай уæд, Сырдон! 

Æмæ сын загъта Сырдон: 

— Диссаг ис Нарты уæлмæрдты: куы байхъусай, уæд дзы цæуы сывæллоны кæуын. 

Уырызмæг бадтис Ныхасы уæле. Фестадис æмæ бацыд зæппадзы дуармæ. Бакодта зæппадзы дуар, бахызт мидæмæ æмæ дзы рахаста чызг — Сатанайы. Сатана ахæм рæсугъд æмæ зонынджын рауади, æмæ талынг æхсæв бон кодта йæ уындæй, йæ ныхас уыд кардæй кæрдагдæр, топпы фатæй растдæр. 

Выпуски
Сырдон йæ мæрдтæн хист куыд кодта
22.07.2019 19:35
Нарты кадджытæ
Сырдон йæ мæрдтæн хист куыд кодта
Сослан — тыхагур (дыккаг хай)
1.07.2019 16:02
Нарты кадджытæ
Сослан — тыхагур (дыккаг хай)
Сослан — тыхагур (фыццаг хай)
27.05.2019 19:45
Нарты кадджытæ
Сослан — тыхагур (фыццаг хай)
Хæмыц ус куыд ракуырдта
19.03.2019 21:15
Нарты кадджытæ
Хæмыц ус куыд ракуырдта
Сырдоны райгуырд
25.02.2019 19:45
Нарты кадджытæ
Сырдоны райгуырд
Уæйыг дыууæ рæсугъды куыд аскъæфта
18.02.2019 20:00
Нарты кадджытæ
Уæйыг дыууæ рæсугъды куыд аскъæфта
Темы
Рекомендуем
О погибшем в зоне СВО бойце Аслане Дзантиеве, о Герое Советского Союза Алексее Остаеве, об учениях сотрудников Росгвардии и эксплуатации боевого оружия
28.03.2024
Интервью с чемпионом по боксу Аланом Хугаевым
27.03.2024
Выбери жизнь
27.03.2024
Руслан Джусоев
27.03.2024
Ставд-Дурта
26.03.2024
Сабырдзинад, туризмы райрæзт æмæ «хурдзаст» сывæллæттимæ куыст
26.03.2024
Цхуырбаты Зарӕ
26.03.2024
Æмбалты Зауырбег
25.03.2024
Къуымæллæггаты Розæ
25.03.2024
Теракт в «Крокус Сити Холле»
25.03.2024
Давид Найфонов
25.03.2024
Канатовы
24.03.2024
В итоге: 24 марта
24.03.2024
Кино
24.03.2024
Синдром отложенной жизни
24.03.2024
Все рекомендуемое