Фароны 8-æм мартъийы нæ телеканалы эфиры фыццаг хатт фæзындысты #Саутæбуртæмыдхуызтæ.
Иу хатт равдисын æнхъæл кæмæн уыдыстæм, уый ацы азы 8-æм мартъийы æмбæлы йæ фыццаг афæдзыл!
Зын бамбарæн нæу, ныр дæр та нæ фембæлды темæ сылгоймæгты бæрæгбон кæй уыдзæн. Рæсугъд, хъæлдзæг, æнкъарæнджын, рæстæггай тæргайгæнаг, царддæттæг, бинонты иугæнæг æмæ ма бирæ æндæр миниуджытæй Хуыцау фæхайджын кодта сылгоймаджы.
Уалдзæджы бæрæгбон малусæгæй куыд фидауы, раст афтæ нæ мадæлтæ, чызджытæ, хотæ æмæ бинойнæгтæ аив кæнынц нæ цард.
Иууылдæр алыхуызон стут: саутæ, буртæ, мыдхуызтæ. Фæлæ иууылдæр «дзæбæх стут, стъалытæ, зæххыстæн»! Уарзут æмæ уæ уарзæнт! Бæрæгбоны арфæтимæ — нæ радон равдыст!
