Мадæлон æвзаг чи уарзы, стæй йæ ахуыр чи кæны, уыдонмæ та æнхъæлмæ кæсæм телеэкранты цур. Равдисынмæ цæттæ у нæ телехъазт «Зæгъ æй». Æнувыд ыл чи у, уыдонæн сæ бæрæгбон æрхæццæ. Йæ архайджытæ сты аивады æрыгон кусджытæ. Сценæмæ сын сæ курдиатмæ адæм бирæ хæттыты кастысты. Ныр та фæсивæд сæ зонындзинæдтæ равдисдзысты ирон æвзагæй. Уæдæ сæм телевизормæ чи кæса, уыдонæн дæр ахæм фадат уыдзæн. Гъемæ-иу, уæдæ уæ фæлладуадзæн изæр 10-æм октябры барæсугъд кæнут телеканал «Осетия-Ирыстон»-ы руаджы.

Курдиатæн бамбæхсæн нæй, адæймаджы зæрдæйы арф уидæгтæ куы ауадза, уæд. Уый æххæстæй хауы нæ телехъазт «Зæгъ æй»-ы радон равдысты архайджытæм. Сты аивады кусджытæ, Ирон академион театры актертæ. Фæлæ сæ фæндаг махыл ракодтой, цæмæй ирон æвзагæй сæ зонындзинæдтæ сбæлвырд кæной. Куыд сын бантыст, уымæн та æвдисæн уæвын уæ бон у сымахæн дæр. Уæдæ сын сæ курдиаты цæхæртæ дæр фендзыстут. Хонæм уæ телеэкрантæм 26-æм сентябры. Табуафси, саккаг-иу кæнут!

Уæ фæлладуадзæн бонтæ барæсугъд кæнут нæ телехъазт «Зæгъ æй»-ы радон равдыстæй. Куыд зонут, афтæмæй дзы мах нæ уазджыты фæлварæм ирон æвзаг зонынæй. Ацы хатт нæ бабæрæг кодтой Гуыцмæзты бинонтæ. Нæ фембæлд рауад хъæлдзæг æмæ зæрдиаг. Фæнды нæ уыцы æнкъарæнтæ сымахæн дæр балæвар кæнын. Уæдæ нæ хъазты архайджытæ цы ерысты сæрты ахызтысты, уыдоны фæрцы сымах дæр фæхъæздыгдæр кæндзыстут уæ зонындзинæдты къæбиц. Табуафси, хонæм уæ нæ студимæ!

Хъæлдзæг изæр искæй зæрдæ агуры? Уæд уæ хонæм нæ телеэкрантæм. Уымæн æмæ та уын бацæттæ кодтам нæ радон равдыст «Зæгъ æй!».

Фӕсивӕдӕн – фӕндаг! Уӕлдайдӕр, мадӕлон ӕвзаг зонынмӕ куы тырной, уӕд. Ахӕм хӕс сӕвӕрдтам нӕ размӕ нӕ радон равдыст «Зӕгъ ӕй!» эфирмӕ цӕттӕгӕнгӕйӕ. Ацы хатт дзы архайынц нӕ кусджыты кӕстӕр фӕлтӕры минӕвӕрттӕ. Цы зонынц, куыд арӕхсынц, цӕмӕн сты ӕнувыд сӕ мадӕлон ӕвзагыл, уый сбӕрӕг кӕндзыстӕм. Табуафси, хонӕм уӕ телеэкранмӕ!

Æнхъæлмæ чи фæкæсы, уымæн йæ курдиат Хуыцаумæ дæр фæхæццæ вæййы! Уымæ гæсгæ уын æхсызгонæй хъусын кæнæм, ирон æвзаг зонынæй нæ эфиры цы телехъазт уыдис, уый сног кæныны тыххæй. Цард цæуы æмæ ивддзинæдтæ домы. Афтæ рауад нæ программæйы хъысмæт дæр – ныр йæ ном у «Зæгъ æй!» Фæлæ дзы раздæрау нæ уазджытæм сиддзыстæм, цæмæй дзы иунæг дæр, уæ фарн бирæ, йæ дзыхыл ма хæца! Уыцы хæс уал сæвæрдтам нæ телехъазты фыццаг архайджыты цур. Цы дзы рауад нæ фембæлдæй, уый фендзыстут. Табуафси, саккаг-иу кæнут уæ телеэкрантæм амынд рæстæгмæ. Хъуамæ уæ бахъæлдзæг кæнæм!

Нæ радон уазджытæ сты адæмон палатæйы уæнг Кадиты Тамарæ æмæ  журналист Улубиаты Чермен. 

Æрмæст сæ нæмттæ та цæй аргъ сты… Нæ хъæлдзæг телевизион хъазт “Дæ дзыхыл МА хæц!”-ы уазджытæ систы актертæ Медойты Светланæ æмæ Битарты Алыксандр! Курдиаты бардуаг йе ‘рмдзæф кæуыл æруагъта, уыцы дыууæ адæймаджы нæ æнæхъæн сфæлдыстадон къордæй худæгæй амардтой. Фæнды нæ, цæмæй сымахæн дæр уыцы æнкъарæнтæ рæдауæй балæвар кæной! Уæдæ уæ телевизорты цурмæ а-изæр саккаг кæнут. Хонæм уæ!

Адæймаг сын æрмæст сæ нæмттæ куы фехъусы, уæддæр сын сæ диссаджы хъæлæстæ уайтагъд æрхъуыды кæны. Мах та сæ `рбахуыдтам нæ хъæлдзæг телевизион хъазт «Дæ дзыхыл МА хæц!»-мæ. Нæ телекомпанийы уазджытæ уыдысты Цыбырты Шота æмæ Дулаты Дзамболат. Уыцы цауæй нæхæдæг дæр тынг фæбузныг стæм. Сæ фыдыуæзæгмæ арæх нæ сæмбæлынц, сæ алы `рцыд та свæййы æцæг бæрæгбон. Стæй ма афтæ чи зæгъа, æмæ оперон зарæггæнæг æгæр хиуылхæцт вæййы, уымæ-иу макуыуал байхъусут! Ацы дыууæ лæппуйы хъæлдзæгдзинадæн æмбал нæй! Табуафси, хонæм уæ уæдæ нæ телехъазты фæзмæ!

Нæ радон телехъазт «Дæ дзыхыл МА хæц!»-мæ та ацы хатт дæр æрбахуыдтам иу бинонты минæвæртты. Сты хо æмæ ‘фсымæр. Хо у сценикон аивадыл хæст, ирон æвзаджы зæлтæ йæ удæн адджын кæмæн сты, ахæм адæймаг. Уæдæ æфсымæр цы куыстыл лæуд у, уый та нæ равдыстæй базондзыстут. Табуафси, хонæм уæ Берозты Алинæ æмæ Хазбийы сфæлдыстадон ныхмæлæуддзинадмæ бакæсынмæ! Хъазты хатдзæгтæ хуымæтæг нæ уыдзысты!