Специалисттæй æмæ хъæууон-хæдзарадон техникæйæ ифтонгдзинад

13.06.2019 21:20

Комæй-коммæ

Выпуск от 13.06.2019

Нæ республикæйы йæ тæмæны бацыдысты хъæууон-хæдзарадон куыстытæ. Цыбыр рæстæджы фæстæ райдайдзысты мæнæу, стæй та нартхор кæрдын. Æмæ уæд нæ республикæйы зæхкусджыты фылдæр хай сæмбæлдзæн бæлвырд къуылымпыдзинæдтыл. Уыдонæй риссагдæртæ сты, хъæууон-хæдзарадон техникæ æмæ кусджытæ фаг кæй нæй, уыдон. Куыд лыггонд цæудзысты уыцы фарстатæ, ууыл дзурдзыстæм нæ программæйы «Комæй-коммæ».

Если вы нашли ошибку, пожалуйста, выделите фрагмент текста и нажмите Ctrl+Enter.

Другие выпуски
Комæй-коммæ

Æнусон скъола. Хъахъхъæдуры цæрджытæ æнхъæлмæ кæсынц аразджытæм

Ацы бонты йæ тыхы бацыди «Хъæуы иумæйаг рæзты» паддзахадон программæ 2025-æм азы онг. Йæ сæйраг нысантæ сты æртæ. Хъæуты цæрджыты нымæц фæфылдæр кæнын, сæ мыздыл сын бафтауын, стæй сын фæхуыздæр кæнын сæ цæрæнуæтты уавæр.  Уыцы нысантыл кусгæйæ æргом здæхт цæудзæн ахуырады фарстытæм дæр. Æмæ сæ сæйрагдæртæ сты, скъолаты æмæ рæвдауæндæтты уавæр хуыздæрырдæм аивын, стæй сæ нырыккон кусæнгæрзтæй сифтонг кæнын.

Æмæ а изæр бæлвырддæр æрныхас кæндзыстæм Кировы районы Хъахъхъæдуры скъолайыл. Не `ргом ацы ахуыргæнæдонмæ цæмæ аздæхтам, уый сбæрæг уыдзæн цалдæр минуты фæстæ. Ныр та уал уæ базонгæ кæндзынæн не студийы уазджытимæ: Цæгат Ирыстоны арæзтады æмæ архитектурæйы министры хæдивæг Бæззаты Дмитрий, Цæгат Ирыстоны ахуырыды æмæ наукæйы министрады хайады сæргълæууæг Нæкуысаты Иринæ, Кировы районы ахуырады управленийы сæйраг специалист Уаниты Солтан æмæ Хъахъхъæдуры скъолайы директор Уртаты Ирыстон.

Æрæджы нæм нæ редакцимæ бадзырдтой Кировы районы Хъахъхъæдуры цæрджытæ, æмæ загътой: фæкæсут нам, æрцæут æмæ нын не скъолайы уавæртæ равдисут. Фæнды нæ, цæмæй нæм хицауад се ргом раздаха, æмæ хъæуы скъоламæ базилой.

выпуск от 14.02.2020
539
Комæй-коммæ

Фосхизæнты уавæр хъæуты

Хъæуты кæд фос къаддæр дарын райдыдтой, уæддæр адæмæн сæ фылдæр хай цæрынц фосы куыст кæнынæй æмæ цæхæрадæттæй. Уый нæ, фæлæ ма бирæтæ хæссын райдыдтой, уымæй размæ сæм цы уыди, уымæй фылдæр фос. Фæллой кæнын æмæ хи фæллойæ цæрын чи сахуыр ис, уыдон алы къуылымпыдзинæдтимæ 90-æм азты фæстæ сæмбæлдысты. Зæгъæм, хъæуты фосхизæнтæ фаг нæй. Ныртæккæ куыст цæуы хизæн бынæттæ фæстæмæ раздахыныл. Фæлæ зæххытæ кæм ис, уым та фыййæуттæ нæй. Æвæгæсæг фос хæринагагур уынгты зилынц, æмæ сæ ахоссæй æрцæуынц фæндаггон фыдбылызтæ дæр.  Уæвгæ, уавæр алы ран иухуызон нæу. Æппæт уыцы фарстатыл æрныхас кæндзыстæм нæ программæйы.

Нæ студийы уазджытæ сты: Цæгат Ирыстоны исбоны æмæ зæххыты ахастдзинæдты министры хæдивæг Датиты Алан, Æрæфы районы зæххы ахастдзинæдты хайады сæргълæууæг Токаты Руслан æмæ Æрыдоны районы Хъæдгæроны администрацийы сæргълæууæг Гуытъиаты Юрий.

выпуск от 29.11.2019
144
Комæй-коммæ

Сывæллæтты футбол

122 азы размæ, октябры кæрон Уæрæсейы официалон æгъдауæй фыццаг хатт ахъазыдысты футболæй. Уый уыди 24-æм октябры 1879-æм азы Санкт-Петербурджы. Бынæттон кадетон корпусы хихъæппæрисадон командæйы уæнгтæ фембæлдысты Английы футболуарзджыты клубимæ. Æмæ сын уæрæсейæгтæ фæхæрд сты 0:6 хыгъдæй. Фæлæ уæддæр Петербурджы газеттæ фыстой: «Махуæттæ хъаруджындæр разындысты англисæгтæй. Иу чысыл ма бакусын хъæуы, æмæ уæрæсейæгтæ пырх кæндзысты англисæгты». Англисæгты нын ныппырх кæнын нæма бантыст, фæлæ уæдæй абонмæ уыцы спорты хуыз сси уарзондæртæй иу. Стырæй-чысылæй, горæтагæй-хъæуккагæй – иуылдæр хъазынц футболæй æмæ кæсынц футболмæ. Ирыстоны футболуарзджытæм та ныфс фæзынди, командæ «Алани»-йæн йæ бон стыр уæлахизтæм схизын кæй бауыдзæн, уымæй.

Фæлæ а изæр мах футболон клубыл нæ дзурдзыстæм. Æрныхас кæндзыстæм районты æмæ хъæуты сывæллæтты футбол куыд рæзы, стæй цы къуылымпыдзинæдтæ æййафы, ууыл?  Куыд кусынц бынæттон командæтæ, ууыл комкоммæ дзурæм нæ программæйы «Комæй-коммæ».

выпуск от 01.11.2019
212