Сырх-Дыгуры рекордтæ, Дæргъæвсы дзæппæзтæ æмæ арæхстджын фæсивæды бон

Сырх-Дыгур бахастой Уæрæсейы рекордты чиныгмæ. Карджын адæм дзы ис æппæтæй фылдæр, цæрджыты иумæйаг нымæцмæ куы кæсай, уæд. Уый тыххæй фехъусын кодтой нæ бæрнон уазджытæ. Æмæ куыд базыдтам, афтæмæй сæрбæрзонд сты сæ фыдыуæзæджы сгуыхтдзинадæй. Нæ ныхасы сæр ма уыдысты Дæргъæвсы дзæппæзтæ. Республикæйы разамынды фæндмæ гæсгæ, уым туристтæн `хсæнмæ-хсæнты цæуыны бар хъуамæ ма уа. Хуыздæр дзы уаид адæмæн фæлгæсæн фæз саразын. Хъуыддагæй цы рауайдзæн, уый хъуамæ сбæлвырд уа хæстæгдæр фидæны. Йæ рæстæгыл не ’ргом аздæхтам фæсивæдмæ дæр. 15-æм июль у æвзонг фæлтæры арæхстдзинæдты æппæтадæмон бон. Йæ нысан — æрыгон специалистты æгуыстдзинад фæкъаддæр кæнын, стæй фæсивæды ахадындзинадмæ æхсæнады `ргом аздахын. Нæ уазджытимæ аныхас кодтам кæстæрты хъомыладыл, сæ гæнæнтыл æмæ сæ фидæныл.