Заманхъулы 1968-æм азы рауагъдонтæ `рымысыдысты сæ æнæмæт бонтæ. Ахуыры азтæн та æмбал дæр нæй. Ам райхæлдысты сæ фыццаг зонындзинæдтæ, ам райгуырдысты сæ фыццаг бæллицтæ, ардыгæй райдыдта сæ царды уæрæх фæндаг. Алкæмæн дæр дзы уыд йæхи цин æмæ хъыг, фæлæ уыдон фембæлды æнкъарæнты уылæнтæ æрæмбæрзтой, цæмæй ногæй сæхи банкъарой зноны лæппутæ æмæ чызджытæй.

Цаутӕ кӕрӕдзийы ивтой, иу иннӕйы фӕдыл тахтысты æвзонг æмæ æнæмæт царды бонтӕ. Зæгъæн ис, æмæ Кировыхъæуы скъолайы 1967-æм азы рауагъдонтæ сæххæст кодтой сæ сæйраг хæс. Ныр дзы алчидæр кадимæ хæссы хистæры ном. Фæлæ мидбылхуыдтимæ сæ бон зæгъын вæййы, лæууы ма мæ зæрдыл мæ фыццаг ахуыргæнæг, ме `мкъласон æрдхорд, ме `взонджы дуг, зæгъгæ.