Цæрукъаты Алыксандр

15.10.2021 20:30

Судзаг æвзаг

Выпуск от 15.10.2021

Ацы рауагъд — Цæрукъаты Алыксандры æмдзæвгæты æмбырдгонд «Зæрдæйы фæндæгты» бындурыл. Поэт йæ алфæмблæйттæ ахоры цъæпойæ, сартныкъæт кæны дамгъæтæ, фæлдзæгъдæн æмæ саууадыджы ныхмæ фидар лæууы.

«Зæрдæйы фæндæгтæ» равгæн электронон библиотекæ «Бæрзæфцæг»-æй: https://vk.com/barzafcag?w=wall-33833481_6812

Другие выпуски
Судзаг æвзаг

Василь Быков

Хъуыстгонд советон белорусаг фыссæг Василь Быков уырыссагау фыста. Фæлæ Гæбулты Мелитоны тæлмацы руаджы йæ уацау «Балбирæгътæ» иронау кæсынхъом фестæм. Уырдыгæй нæ алæвæрдæн райстам цымыдисаг дзырдтæ.

———

Чиныг ис равгæнын чиныгуат «Бæрзæфцæг»-æй амынд æрвитæнæй: https://vk.cc/cbAJVK

*ФÆЛХАТ: «Космонавтты уынг, Космонавтты… — сфæлхат кодта æнæзонгæ лæг»

*УАРТ: «цалынмæ егъау хъæдын уартыл дзырд «Футбол» федта, уæдмæ»

*ХЪУСИНАГ: «Æввахсдæр æм бацыд æмæ бакаст хъусинаг»

*ТАХЫНÆГ: «Уæддæр хъæууон тахынæг, мыды хъуырау æмæ хиахст хус кæсæгтæ æвзæр нæ рафидаудзысты фысымы фынгыл»

*СÆЛДÆГ: «Иннæ — саухил, йе ’мбалæй бæрзонддæр, лæппуйы хæлаф йæ уæлæ, стæрдта сæлдæг»

*ХЪÆРНЫВ: «Æцæгдæр, номыры фæстæ уыд хъæрныв К æмæ цифрæ 3, уый фæстæ та — фатеры номыр»

*ТАРВАЗ: «Уæдмæ сылгоймаг рахызт къæсæрæй æмæ йæхæдæг бахæцыд, дуары тарвазыл цæст гæзæмæ кæй æвзæрста, уыцы кнопкæйыл»

*РЫГЪД:  «Фæлæ йæ фыццаджы рыгъд ахаст æнкъаргæ дæр нал бакодта»

*КУЫРМÆДЖЫ: «Дохтыр ын куырмæджы йæ тугамæхст уæхск куыддæрты байсæрста»

*СÆДЗÆН: «Ам нырма уромы, фæлæ дарддæр сæдзæн у»

* ТÆНГЪÆД: «Се ’ппæтæн дæр дон æмæ цъыфдзасты бæзджын тæнгъæд хæццæ кодта сæ риуты онг»

*УАДЗЫГ:  «Тихонов æмбаргæ дæр ницы кодта, афтæмæй йæ уадзыгæй рахастой бæхы рагъыл»

выпуск от 11.03.2022
Судзаг æвзаг

Хæблиаты Сафар

Хæблиаты Сафары роман «Æхсæрыл сыфтæр нал хæцы» æвдисы хирурджы куысты зындзинæдтæ. Рох нæу сæйраг хъайтары миддуне дæр. Фæлæ канд уыдæттæй хъæздыг нæ рауад фыссæджы ‘взаг. Романы ма ссардтам тынг бирæ цымыдисаг æмæ хъæугæ дзырдтæ. Фехъусын сæ кæндзыстæм. Табуафси!

*ХЪУЗГ: «Сæнар куынæ уа, уæд айдагъ нартхоры хъузг тыртырæй асудздзæн

*КЪÆРМÆГ:  «Сихорæй нырмæ, арвæн цыма раст йæ КЪÆРМӔГ æрхауди, уыйау уарын нæ банцад»

*УЫХЕРЫ:  «Зыдта: райсом йæ бон ницы бакусын суыдзæн, æнæбары уыхеры фæкæндзæн.»

*КЪУДА: «Уыдонæй дæр бирæты баййæфта къуда бæмбæджджынты»

*ИЗÆРСАРÆЙ: «Уæд æй изæрсарæй хъуыды дæр не ’ркодта»

*ÆНАХЪИНОН: «Маскæ йыл нал уыди, æмæ чызг федта æнахъинон фындз»

*ДЫСАЛГЪ: «Осмæн йæ дысалгъыл мидæмæ бахæцыд — æхсæз сахаты æмæ æвддæс минуты»

*ХÆДЗ: «Йæ къухы — уисæй конд хæдзыл æнгуылдзыйас кæсаг»

* ТЪЕПА: «Уæдæй нырмæ ацы тъепайы номыл бадыс»

*ГÆЛДÆР: «Алхæст — æртиссæдзаздзыд гæлдæрджын сырхцъар лæг»

*ДЗАГЪУЛ: «Аирвæзтæ та, мæ хæлар, куыд дæм кæсын, афтæмæй, — хæлæггæнæгау бадзагъул кодта Таймураз Осмæнмæ.»

Чиныг ис равгæнын электронон библиотекæ «Бæрзæфцæг»-æй: https://vk.cc/cbc3rT

выпуск от 25.02.2022
Судзаг æвзаг

«Мæйрухс æхсæвтæ»

«Мæйрухс æхсæвтæ» схуыдта йæ радзырдтӕ æмæ уацауты æмбырдгонд Дзугаты Георгий. Фыссæг Фыдыбæстæйы Стыр хæсты архайдта æмæ сабыр мæйрухс æхсæвтæм хуымӕтӕджы нæ бæллыд. Тохы æмæ удхары фæлм Георгийы фыстыты бæрæг дары.

Чиныг ис равгæнӕн ацы æрвитæнæй: https://vk.cc/caTGqD

*РÆДЗÆГЪД: «Бырсынц уынгæгдзаст сау фыдгултæ сæ мард хæстонты даргъ рæдзæгъдтыл»

*ÆРДОНГ: «Æрдонг æрдонджы фæд æййафы…»

*КУЫРÆФЦÆГ: «Бæзджын ныффæлдæхти фæйнæрдæм сæ барц сæ куырæфцæг бæрзæйтыл»

*ÆРСДОН: «Уæддæр, æрсдоны стыр уылæнтау, лæсынц æмвæтæнæй»

*ÆХСОН: «Æрбадт æхсон æфсургъы рагъыл»

*ФИСЫН: «Куыддæр фисыны аууонæй мæйрухсмæ ракъахдзæф кодта»

*ЦАПУАЛ: «Йæ идоны къæбæлтæ æрмыртт-мыртт кæны, хус сысджыйау, фæлæ уæддæр цапуал уадæй тындзы размæ»

*ТÆЛТÆГ: «Чысыл лæнкауы сæрты куыд фæцæйсæррæтт кодта тæлтæг æфсургъ, афтæ размæ асхъиудта»

*ТУЛА: «Æрбатыхта йæ зæнджы цæфыл бинты тулайы æрдæг»

*КÆЛДЫМ: «Лæг дæргъæй-дæргъмæ галиуырдæм æрфæлдæхт, кæлдым къодахау»

*КЪУСК: «Сæ арф къусчытæй, йе ‘взонджы бонтау, ферттывтой йæ мæтбадæн сау цæстытæ»

*ФÆДЗÆЛ: «Бандоныл æрбадт. Йæ сау къандзолы тарæй фæдзæлджын судзин систа æмæ куырæты скъуыд ам сынк-уым сынкæй хуыйын райдыдта»

*БОНРÆФТ: «Бонрæфты рагуалдзæджы комулæфт йæ тыхы куы бацæуы, уæд бæстæ фæхъармдзæф вæййы»

выпуск от 11.02.2022
Судзаг æвзаг

«Мамысоны æфцæгыл» — Айларты Измаил

«Нымад фыссæг Айларты Измаилы уацмысты ‘взаг тынг нуарджын, фæлæ уыимæ хъомысджын у. Авторы сфæлдыстадимæ базонгæ уæвын алы æвзагуарзæгæн дæр хъуамæ хæсы хуызӕн уа. «Судзаг æвзаджы» Измаилы егъаудæр роман «Мамысоны æфцæгæй» цалдæр цымыдисаг дзырды.

Чиныджы æртæ томы дæр равгæнӕн ис электронон библиотекæ «Бæрзæфцæг»-æй ацы æрвитæны руаджы: https://vk.cc/ca3Ux5

*ÆНДÆРГ — «Хохаг хъæуты рагон систæн ма сæ хылычъы дуртæ дæр фæлварынц царды æндæрг фæлгъауыныл»
*САХА — «Цыма дурсахатæ æмæ митзæйтæй раласынæй тæрсынц»
*ТЫЛИФ — «Уый ма хæцæг салдæттæ дæр æмбарынц æмæ сæхи тылифыл архайынц»
*САУЗЫМ — «Фæззæг бирæ саузым хæссы æмæ Джиуæргуыбамæ фосы хизæн нæма байста»
*ЦЫРЕН — ««Саузым аз — низджын,— ныхас цырен кæны Дзамболат»
*ЧЫРÆ — «Быдыры чырæдзаутæ ацы фæззæгæй фылдæр хор Оны калакмæ никуы фæластой».
*НÆУ — «Иннæ барæгимæ нæудзар фæзилæны фæиу сты»
*ÆФТАУЦ — «Тæккæ æфтауцы ныхыл сæхи митыл æруагътой»
*ЦУРОН — «Хъæубæсты хистæр æргомныхас цас уыди, уыйас цурон æмæ цæстмæмитæ нæ уарзта»

выпуск от 28.01.2022
Судзаг æвзаг

«Гуйман»

Ивгъуыд æнусы 60-æм æзты нæ литературæйы цы ног «уылæн» фæзынд, уымæн Малиты Васо хауы йæ ирддæр минæвæрттæм. Ацы рауагъды æвзарæм фыссæджы хъуыстгонд уацмыс «Гуйман»-ы.  Васо дзы æвдисы, колхозы сæрдары ном куыд фæхудинаг кодтой, уый. Ахæм сюжеттæ та советон литературæйы стæмтæ уыдысты. Чиныг равгæнæн ис электрон библиотекæ «Бæрзæфцæг»-æй мæнæ ацы æрвитæныл — https://vk.cc/ca1E9p

*ТÆНЗÆРДÆ: «…афтæ фидауы нæлгоймагыл дæр йæ тæнзæрдæ»

*ЦЪÆТДЖЫН: «Фæлæ трагикон хæкъуырццы бæсты райхъуыст цъæтджын сынтæджы хъыс-хъыс»

*ТЕНКА: «Хъæццулы бынæй ма йæ сæры тенка зыны»

*АРТÆНСКЪУЫДТÆ: «Артæнскъуыдтæ кæны фырхудæгæй»

*КЪАЛА: «Нæ, йæхи цæсты къала бæлас ма уына æмæ искæй цæсты æрдумæ амона — Гуйманы ахæмæй нæ зонын»

*БЫДЗÆУ: «Айдæнæй мæм, быдзæуы хуызæн, хæлиудзыхæй касти агрофачы фыццаг курсы студент»

*ХИХСÆН: «Артæфтыд агъуыстæй лидзæгау разгъордтой хихсæнæй»

*АУУОНДАР: «Заретæ мæм æдзынæг кæсы урс къуымбилы ставд æндахæй быд пæлæхсар худы чысыл аууондары бынæй»

*ЧЫРС: «Скастæн хæрдмæ — акъациты хихтæй чырс кæлы æвзист лæхурæгæй»

*ИРДГÆ: «Изæрон уазал ирдгæ нæм хæрзæггурæггаг фæци»

*ÆНÆЛАЗ: «Йæ зæнгтæ нывыл ставд, раст, æнæлаз»

*АГЪУЫД: «— Цæй агъуыд у!»

выпуск от 14.01.2022
Судзаг æвзаг

Боциты Барон

Боциты Барон ирон прозаикты хуыздæрты номхыгъдмæ хауы. Йæ хъуыстгонд уацау «Саст рæхыс» нымад у фыссæджы сæйрагдæр сфæлдыстадон æнтыстыл. Бароны нуарджын æвзагæй цалдæр цымыдисаг дæнцæджы æрхæсдзыстæм ацы рауагъды.

«Саст рæхыс» ис равгæнæн электронон библиотекæ «Бæрзæфцæг»-æй: https://vk.cc/c8FnEn

*ХЪАУГЪА: «Уæддæр кæрæдзиимæ куы фæхъаугъа вæййынц…»

*ÆЛГЪÆД: «Уæд иунæг комдзаг дæр лæджы зæрдæ балгъæд кæнид»

*ФИСТСÆР: «Уый уыдис тымбылдзæсгом, рæстæмбис ас, сауцæст, мыдхуыз фистсæр лæппу»

*ХÆРВ: «Калм йæ хæрв куыд феппары…»

*КЪÆМБЫР: «Уæд ныххызт къæмбыры бын аууонмæ…»

*ХЪÆЛЗÆНГ: «Афтæ та хъæлзæнгæй арастис фосы разæй»

*МÆЙДАР: «Къæвда дæр фæсабыр, фæлæ ахæм мæйдар уыдис, æмæ…»

*КУЛ: «Сывæллæттæ, раздæр-иу уынгты къæвда донæй култæ чи кодта…»

*АСÆСТ: «Сау асæстытæ  кæмтты сæхи бынноз æристой»

выпуск от 24.12.2021
Судзаг æвзаг

Сиукъаты Никъала

Стъалыджын арвмæ нымдзаст уæвгæйæ адæймаг раст цыма сагъдау аззайы, афтæ вæййы. Фæлæ йе ‘муд куы æрцæуа, уæд уæлæрвты тыххæй цавæр æвзагыл дзурдзæн? Сиукъаты Никъала астрономийы дæсныйадыл ныффыста чиныг «Дун-дуне нæ алфамблай». Уый руаджы ирон æвзаг космосмæ дæр авнæлдта.

Чиныг ис равгæнæн электронон библиотекæ «Бæрцæфцæг»-æй мæнæ ацы æрвитæнмæ гæсгæ: https://vk.cc/c8CDUH  

*ÆФТУАН: «14-æм сæр æфтуангонд у…»

*СÆМÆН: «Уыцы хахх (АВ) хонынц эллипсы стыр сæмæн»

*БУАРГЪÆД: «Исты æнцон судзæн буаргъæд куы уа, уæд уый ссудздзæн»

*ТАГЪДАД: «Уыдзæн йæ райдианы тагъдадæй аразгæ»

*ДЫРЫСАД: «Дырысадмæ гæсгæ уыдысты тынг раппæлинаг»

*УÆРХАД: «Объектæн йæ географион координаттæ: уæрхад æмæ дæргъад»

*ТÆЛМ: «Хизæм иу тæлмæй иннæмæ»

*ÆНГОМАД: «Уæлдæфы æнгомад уыцы-иу бынаты куы фæтынг вæййы…»

*ÆВÆРЦЦÆГ: «Æрдзы ис дыууæхуызон электрады;  æвæрццæг æмæ æппæрццæг электрадтæ»

*ХИАД: «Атомон уæз Менделеев райста сæйрагдæр хиадæн»

выпуск от 10.12.2021
Судзаг æвзаг

Ирон зæрдæхудт

Багаты Ладийы зæрдæхудты бацӕуын уанцон нæу! Ацы рухстауæг æмæ поэт йæ курдиаты руаджы æнæджелбетт адæймагыл æмбисонд ацараздзӕн. Цавæр дзырдтæй хъæздыг у ирон литературæйы патриархы æвзаг? Фендзынӕ йӕ ацы рауагъды.

Чиныг электронон библиотекæ «Бæрзæфцæг»-æй равгæн: https://vk.com/barzafcag?w=wall-33833481_14418

*ГÆРÆМ: «Гæрæм уыры йæ арф хъуынкъæй куы слæст…»

*БÆР: «Дзырдта йæм Æхсæрæг бæрзондæй,— Кæсыс, бæртæ кæнын гыркъотæй».

*СÆНТУАЙ: «Сæнтуай! Цæмæйты мын æппæлы…»

*ХЛЕПА: «Уæлдæр та — хлепа фароны æрнайæ».

*КÆРВÆДЗ: «Кæрвæдз, хъуыдалы æмæ сиск…»

*ÆМБОЙНЫ: «Æмбойны стынг кодтой хъæдын цырагъы кой».

*АРТХОС: «Уæд артхос асыгъта».

*ТЕНТЕКК: «Ӕй, хæппуд маргъ, гъей, тентекк!»

*ФÆХСЫН: « Йæ фæхсынæй йын нал иста йæ цæст».

*БАЛ: «Кæмдæр та цъæх бирæгъты бал…»

*БАГЪÆЦЫН: «Кæцæй сæм касти Халон: — Багъæц!»

выпуск от 26.11.2021
Судзаг æвзаг

Хæуытаты Къоста

Хæуытаты Къоста ссардта уæздандзинады гуырæнтæ. Ныр базондзыстæм, иронау «сфера» æмæ «блаженство» куыд сты. Æмæ амæй фæстæмæ «сфера блаженства» зæгъынмæ дæр сарæхсдзыстæм.

«Уæздандзинады гуырæнтæ» ацы æрвитæнæй ис равгæнæн электронон чиныгдон «Бæрзæфцæг»-æй: https://vk.com/barzafcag?w=wall-33833481_2250

АХХÆССÆН: Хуыцауы сконд дун-дунейы ис æртæ тыгъдадон аххæссæны.
ÆХЦОНАД: Уыцы алæмæты райдзаст, æнусон æхцонад æвзарæн рухс цæрæнуат.
ÆНХЪÆЛЦАУ: Мадызæдмæ кувгæйæ фæкурынц… цоткæнынад æмæ рæстмæйы хъуыддаг æнхъæлцау сылгоймæгтæн.
БАДДЗÆГТÆ: Йæ хъомыс кæуыл цæуы, уыдон сты: арвынæрд æмæ арвы цæф, баддзæгтæ.
ФАДЫВАРЦ: Таурæгътæм гæсгæ, йæ сурæт — карджын нæлгоймаг, фыййауы дарæс æмæ фадыварцы, æд лæдзæг.
ХЪÆДОХ: Хъæдох у хъæдтæ, хъæддзаутæ æмæ хъæды зайæгойты бардуаг.
ЦУРЫН: Ирон адæм кæй нæ хæрынц, уыцы цæрæгойты фыд фыцын кæнæ цурын.
КУЫРДДЫМ: Куырддым æмæ æнæсы фосæй нывонд кæнын.
ДЖИУЫН: Хойрагмæ карды кæнæ æндæр цыргъаджы фындзæй æвналын (джиуын).
САГГОМ: Йæ уæлæ лæууын кæнæ бадын, къухы саггомæй йæ исын.
УДХЪУАГ: Удхъуаг (сахъат) адæймагæн йæ сахъатдзинадыл бахудын, фидис ын æй бакæнын.
УАЗ: Уый алы ныййарæгæн дæр æрдзы æмæ æхсæнады раз йæ уаз хæс у.

Ацы дзырдтæ цы амонынц, уый алæвæрдæй ис базонын, мæ хæлар.

выпуск от 29.10.2021