Цъугкиты Вероникæ у Цæгат Ирыстоны паддзахадон Дыгурон театры, стæй Тæбæхсæуты Балойы номыл Ирон театры актрисæ. Йæ курдиат æмæ йе стыр уарзондзинад аивадмæ рахаста йæ ныййарджытæй.
Зæгъæн ис, æмæ Вероникæ схъомыл театры. Фыццаг хатт сценæмæ куы «рацыд», уæд ыл цыдис цалдæр мæйы. Уыцы спектакль — «Аланти нана»-йы, æртæаздзыд сабийæ ахъазыд йæ фыццаг роль дæр. Дызæрдыггаг нæ уыд, Вероникæ актрисæ кæй суыдзæн, уый. Фæлæ курдиатджын чызджы бахъуыд бирæ цæлхдурты сæрты ахизын, цалынмæ йæ бæллиц нæ сæххæст, уæдмæ…
