Уæлахизы 80 азы æмæ радиойы кусджыты бæрæгбон

3 боны фæстæ Уæрæсейы бæрæг кæндзысты Уæлахизы 80 азы бон. Йæхи йæм цæттæ кæнынц нæ республикæйы дæр. Зæгъæм, Советон Цæдисы хъæбатыр Дзусаты Ибрагимы райгуырæн хъæу Заманхъулы ныссагътой 2 500 талайы. Алагир æмæ Црауы `хсæн, Баситы Чабæхан æмæ йæ бинонты фашисттæ кæм фехстой, уыцы æфсымæрон ингæны цур та сæвæрдзысты æфсæйнагæй конд венок. Æнæзæгъгæ ма нæй æндæр бæрæгбоны тыххæй. 80 азы рацыд, бастдзинады кусджыты бон официалон æгъдауæй бæрæг кæнын куы райдыдтой, уæдæй. Зæгъæн ис, æмæ радиожурналистты профессионалон бон дæр уæд фæзынд. Бæлвырддæр уыдæттыл йæ рæстæгыл дзырдтам нæ студийы уазджытимæ.