Даскъофы уынгты æртæцалхон мотоциклыл сылгоймаджы куы фенат, уæд æй зонут: уый у Мæргъиты Уарзетæ. Йæ машинæ балхæдта сæрмагондæй йæ куысты тыххæй. Ацæргæ адæмæн лæггад кæны 30 азы бæрц. Йæ хъару æмæ йын йæ сæрæндзинадмæ абон дæр ма бирæ æрыгæттæ бахæлæг кæндзысты.

Дур-Дуры хистæр кары адæм бирæ нал баззад. Сæ царды бынат ис циндзинадæн æмæ хъыгдзинадæн дæр. Фæлæ цыфæнды куы уа, уæддæр сæ хъæубæстыл сæ зæрдæ нæ ивынц. Алы бонæй дæр бузныг сты. Алы уалдзæгыл дæр цин бакæнынц. Нæ равдысты архайджытæ Цъопбойты Надя æмæ Дзарасуты Таисæ дæр уыдонмæ хауынц.

Уынайлаг Цогойты Къоста горæты дæр ацард, фæлæ фæстæмæ йæ бинойнагимæ хъæумæ аздæхт. Цæмæн афтæ рауад, уымæй йын йæхи бафарстам

Адæймагæн йæ сывæллоны бонтæ йæ фидæныл дæр фæзынынц. Сечеры цæрæг Фидараты Феня зындзинæдты сæрты зарæджы фæрцы ахизы. Зарын та уарзы хæстон уацмыстæ. Афтæ йæм фæкæсы, цыма уæд йæ бастдзинад йæ фыдимæ фæтыхджындæр вæййы.

Дзобелаты Царицæ цæры Дзуарыхъæуы æмæ йæхи хоны амондджын. Йæ царды æппæтæй фылдæр уарзы йæ хъæбулты. Сæрыстыр сæ у. Царицæ зæрдæрухсæй балæууы алы хъуыддагыл дæр. Уырны йæ, адæймаджы амонд зæрдæйы ахастæй аразгæ кæй у, уый.

Кæддæры фæрнджын хъæу Зджыды, цард бирæ адæм. Абон ма дзы чи баззад, уыдон æй æндæр бынатыл нæ баивдзысты. Ахæм зæрдæйы ахаст ис нæ равдысты архайæг Æгъуызарты Мæирбегмæ дæр.

Адæймаг йæ цард цæмæн снывонд кæндзæн, уый æвзонгæй куы бамбары, уæд уыцы хъуыддаг амондыл нымад у. Уымæй фылдæр амонд та вæййы, йæ куыст ын æхцондзинад куы фæхæссы. Уæдæ дыууæ нæ, фæлæ æртæ хатты амондджын фæкасти махмæ Беслæны цæрæг Ардзинты Стас.

Куырттаты комы дзырддзæугæдæр хистæртæй иу уыдис хидыхъусаг Цæгæраты Созырыхъо. Æнæахуыргонд лæг уыдис диссаджы зонд æмæ фæлтæрддзинады хицау. Уыимæ кодта зарджытæ, цагъта хъисын фæндырæй, йæ аив ныхасмæ та йын адæм хъусынæй не фсæстысты. Абон ын йæ фарн дарддæр хæццæ кæны йæ фырт Цæгæраты Сослан. Цæры Хидыхъусы æмæ йæ царды стырдæр нысаныл нымайы йæ фæстæ хорз фæд ныууадзын.

Къæмынты цæрæг Дæтиаты Валерий йæ царды фылдæр хай быдыры хъæуты арвыста. Фæлæ йæ кары куы бацыд, уæд йæ зæрдæ хохмæ ахсайдта æмæ Дымты æрцарди.

Рагæй-æрæгмæ дæр Ирыстоны цымыдисагдæр бынæттæй иуыл нымад у Куырттаты комы хæххон хъæу Дзывгъис. Ам цæргæ дæр цымыдисаг адæм кæны. Елхъанаты Хъазыбег кувæг лæг у. Куыд зæгъы, афтæмæй йын æвзæр æмæ галиу митæ нæ батайдзысты.