12-æм январы у Уæрæсейы Федерацийы прокуратурæйы кусæджы бон. Сæ профессионалон бæрæгбоны фæдыл ведомствæйы уæнгтæ æмæ ветерантæн арфæ ракодта Сергей Меняйло. Сæргълæууæг бафиппайдта, ацы бон у нæ æхсæнады ахсджиаг принципты нысан – закъоны, рæстдзинады æмæ намысы. Ацы куыст домы уды фидардзинад, рæстуд æмæ уынаффæтæ хæссынмæ цæттæ уæвын, уыдонæй аразгæ у адæймаджы хъысмæт æмæ æхсæнады æууæнкдзинад паддзахадмæ. Цæгат Ирыстоны прокуратурæйы кусджытæ цæсгомджынæй æххæст кæнынц сæ размææвæрд хæстæ, хъахъхъæнынц республикæйы цæрджыты интерестæ.
