2019 азы сæхгæдта 60 æнæзакъон интернет-ресурсы

11.12.2019 21:07

Сæ куыст кодтой æнæзакъонæй. Цы æрмæг парахат кодтой, уый дæр уыд закъонхалæг.

Кировы районы прокуратурæ 2019 азы сæхгæдта 60 интернет-ресурсæй фылдæр. Сæ куыст кодтой æнæзакъонæй. Цы æрмæг парахат кодтой, уый дæр уыд закъонхалæг. Сайтты æмæ социалон хызæгты уыд наркотикты тыххæй æмæ зондахаст чи халы, ахæм æрмæг. Алкæйы фæдыл дæр тæрхондонмæ балæвæрдтой курдиæттæ. Уымæй уæлдай ма-иу дзы хаттгай фæзынд экстремистон хъусынгæнинæгтæ дæр. Прокуратурæ бацархæйдта, фæсивæды хи амарынмæ цы ресурстæ разæнгард кæнынц, уыдон дæр сæхгæныныл. Уыд дзы, уæлдæр ахуыргæнæндæтты дипломтæ куыд балхæнæн ис, ахæм информаци дæр. Алкæмæн дзы уыд фадат æнæ регистрацийæ бахизын. Ахуыр йæ царды мидæг æппындæр чи нæ кодта, уыдон-иу спайда кодтой сайты лæггæдтæй. Уый фæстæ-иу баисты мæнг документты хицæуттæ. Басгæрстыты фæстæ тæрхондонмæ æрвыст æрцыд курдиæттæ, цæмæй уыцы сайттæн сæ рохтыл æрхæцой. Æдæппæтæй Цæгат Ирыстоны прокуратурæ рабæрæг кодта 69 æнæзакъон сайты. Цæстдарæн кусæндоны дарддæр дæр тох кæндзысты, закъоны сæрты чи хизы, уыцы цæстфæлдахджытимæ.

Предыдущий материал

Интервью Гæбæраты Æхсаримæ

Следующий материал

«Аудиобалц аргъæутты бæстæмæ» банымадтой Уæрæсейы хуыздæр проектæй иуыл

Читайте также

Все новости