Федералон программæ «Уæрæсæйы бинонтæн – цæрæнуæттæ» æххæстгæнгæйæ абон Дзæуджыхъæуы дыууæсæдæ æвдай æхсæз бинонтæн радтой дæгъæлтæ сæ ног фатертæй.
Кадджын мадзалы архайдтой Хицауады сæрдар Тускъаты Таймураз, Республикæйы арæзтад æмæ архитектурæйы министр Икъаты Русланбег. Се ˈнæниздзинад хъыгдард кæмæн у, уыцы 4 адæймагæн радтой ног фатертæ. Сæ удæнцойдзинадæн фатертæ сты фыццаг уæладзыгыл, бахизæнтæ æмæ дуæрттæ фæуæрæхдæр кодтой. Хæдзæртты ис рынчынты хæрдмæисæн техникæ. Ахæм æххуысмæ ма æнхъæлмæ кæсынц фæндзай адæймаджы.
