Энергетиктæ абон бæрæг кодтой сæ профессионалон бон. Нæ республикæйы сæргълæууæг Битарты Вячеслав сын уый фæдыл раарфæ кодта. Куыд бафиппайдта, афтæмæй сæ куысты ахадындзинад ныр дæр егъау у. Не ‘сфæлдыстадон къорд та абон æрзылд, энергетиктæ æппындæр æнцад кæм нæ бадынц, уыцы рæттыл. Райдыдтой Зарæмæджы ГЭС-æй.
Бирæгъты Зауырбег Зæрæмæджы Гидроэлектростанцæйы кусы инженер-геодезистæй. Куыд зæгъы,афтæмæй, йæ чысылæй фæстæмæ фæндыд ГЭС-ы кусын. Цæгат Кавказы металлургон институты ахуыргæнгæйæ базыдта, станцæйы кусджытæ кæй хъæуы æмæ дзы уæгъд бынат кæй ис, уый. Æрбацыд, аныхас кодта. Æмæ ныр фараст азы кусы ам.
Инженер-геодезист Бирæгъты Зауырбег: «Донуромæны уавæр сбæрæг кæнæн ис цалдæр хуызы. Сæ иу – фæрсудзæн. Кæнынц æй прибор – пьезометры фæрцы. Уый сæрмагонд датчиктæм гæсгæ бæрæг кæны доны бæрзæнд. Æппæт бæрæггæнæнтæ специалисттæ арвитынц Мæскуыйы æмæ Петербурджы институтты специалисттæм,уым сæм æркæсынц æмæ хатдзæгтæ скæнынц».
Зæрæмæджы гидро-электро станцæ аразын райдыдтой 70-æм азты, фæлæ ног дуджы рæстæг арæзтад ныллæууыд.Куыстытæ сног сты дыууæ мин цыппæрæм азы.дыууæ мин фарæстæм азы та станцæ скусын кодтой.Йæ хъомыс у 15 Мегаватты. Ахæм станцæтæ нæ республикæйы сты 7.
Зæрæмæджы гидро-электро станцæйы сæргълæууæг Елойты Таймураз: «Ацы диссаджы агрегаты фæрцы нæ бон сахатмæ бацис 233 милуан киловат раттын. Зымæджы станцæ нæ фæкусы уымæн æмæ дон бирæ нæ вæййы. Бахъæуы нæ дон бамбырд кæнын,цæмæй йæ бахъуаджы рæстæг адæмыл байуарæм».
Донуромæны фæрстæ бетонæй не сты, уымæ гæсгæ донивылдæн бафæраздзæн. Ахæм миниуджытæй ифтонг у кæцыфæнды электростанцæ дæр. Ныры уавæрты уый свæййы сæйраг техникон домæн. Æдасдзинад ацы куысты кадджын ран ис. Бæрæгбонмæ сæ хъуамæ суанг æрдз дæр æдзæттæйæ ма `рыййафа.
Бæрæгбоны дæр – куысты уæлхъус. Цы кусой, уый та сын ис. Зæгъæм, ныртæккæ Мызурмæ æввахс цæуынц цалцæггæнæн куыстытæ.Фæуыдзысты дыууæ азы фæстæ. Уæд бынæттон электростанцæ нымад уыдзæн Цæгат Кавказы егъаудæртæй иуыл. Уымæн æмæ йæ хъомыс – æртæсæдæ цыппор дыууæ Мегаватты.
Станцæйы кусынц дæсны специалисттæ. Æмæ кæд сæ куыст зын у, уæддæр æнæ электрон тыхæй нæ уадзынц куыстуæттæ æмæ цæрджыты.
Сæ хорз куысты тыххæй абон Цæгат Ирыстоны Рус Гидройы филиалы сæргълæууæг Болататы Таймураз. Хуыздæр энергетикты схорзæхджын кодта кады гæххæттытæ æмæ хцайы лæвæрттæй. Бæрæгбон барæсугъд кодтой сæхи тыхтæй: ис сæм, ахæм рæстæджыты зарынмæ фæстæ чи нæ фæлæудзæн, ахæм къорд.
