Дзæуджыхъæуы рæзты ног проект. Горæты администрацийы уыд республикæйы сæйраг сахары Генералон пъланы презентаци. Документыл 3 мæйы дæргъы куыстой наукон-иртасæн институт “Земля и город”-ы. Домæнтæ, нысантæ æмæ æууæлтæ сын Дзæуджыхъæуы администраци бæлвырдæй фæнысан кодта. Хыгъдмæ ист æрцыдысты зæронд генпъланы æрмæджытæ дæр. Фембæлды уыдысты парламенты уæнгтæ, горæты минæвæртты æмбырды æмæ архитекторты цæдисы минæвæрттæ, министрадты кусджытæ æмæ æхсæнад. Базонгæ сты ног проектимæ, бахастой сæ фæндтæ, уыди сæм фиппаинæгтæ дæр. Генералон пъланыл кусдзысты дарддæр дæр, горæты цæрджыты хъуыды хынцгæйæ.
