Ацы аз Цæгат Ирыстоны райдиан æфсæддон цæттæдзинад райстой 300 мин адæймагæй фылдæр. Ахуыртæ ацыдысты 195 ахуырадон кусæндоны бындурыл. Уый тыххæй Хицауады æмбырды фехъусын кодта республикæйы æфсæддон комиссар Владимир Скоморох. Йæ ныхæстæм гæсгæ, сæйрагдæр фарста у ахуыргæнæндæтты материалон-ахуырадон бындур кæй нæ фаг кæны, уый.
Дзанайты Барис бабар кодта, ацы фарста аиуварс кæнын, фæлтæрддзинад уæлдæргæнæн ахуыртæ курсыты ахуыргæнджытæн кæнын. Ныхас ма цыд æнæниздзинад хъахъхъæнынады райрæзтыл дæр. 15 милуан сомæй фылдæр радих кæндзысты медицинон кусæндæтты нырыккон ифтонгæрзтæй баххæст кæнынæн. Уый “Модернизация первичного звена здравоохранения”, зæгъгæ, программæмæ гæсгæ. Ныхас цыд студенттæн æххуысы гæнæнтыл дæр. Ныр фæсивæдæй паддзахадон бынæтты чи ахуыр кæна, уыдонæн æмбæлдзæн иухаттон фиддон 5 мин сомы.
