Остъаты Валерияйы эндокринологон центры сæвæрдтой ивгъуыд къуыри. Сылгоймагмæ диабет ис, фӕлӕ йӕ низ дыккаг хатт мад суӕвын нӕ бахъыгдардзӕн. Уатыгъд ын згъæрæхцайы йас сенсор сӕвӕрдтой. Уый йӕ цӕст дары туджы сӕкӕры ӕмвӕзадмӕ. Сӕрмагонд программӕ та бӕрӕггӕнӕнтӕ ӕвдисы телефоны экраныл.
Сенсор хъусын кæны цыфӕнды, суанг хӕрз чысыл ивддзинӕдты тыххæй дӕр. Афтæ рынчынӕн алы уавæры дæр йӕ бон бауыдзӕн тагъд сарæхсын. Гарз ивын хъӕуы алы дыууӕ къуырийы дӕр. Ӕппӕт 14 боны системӕ ӕхсӕвӕй-бонӕй цӕст дары глюкозӕйы бӕрӕггӕнӕнтӕм ӕмӕ ӕнӕсцухӕй дӕтты информаци.
Ног ифтонггарз самал кодтой нацпроект “Дӕргъвӕтин ӕмӕ уæнгрог цард”-мӕ гӕсгӕ. Сӕкӕрнизы 1-аг ӕмӕ 2-аг хуыз кæмæ ис, уыцы сылгоймӕгтӕн сенсор дӕттынц сывӕрджыны ӕппӕт ӕмгъуыдмӕ. Уый ӕххуыс у мад ӕмӕ сывӕллоны æнæнздзинадæн дæр.
Специалистты уырны, иртасыны ацы хуыз ӕнӕмӕнг кӕй у диагностикæйы ахсджиаг ӕмӕ нырыккон мадзал. Зынгæ æнцондӕр кӕны рынчынты цард.
Гарз ныридӕгӕн радтой 60 сывӕрджын сылгоймагæн. Æвæрынц æй сæкæрнизы 1-аг хуыз кæмæ ис, уыцы сывӕллӕттӕн дӕр.
