Дзӕуджыхъӕуы мастер-пълан дарддæр æххæстгонд цæуы. Хаст æм æрцыд сæдæ æртын аст проекты нæуæдз дыууæ миллиард сомæн. Уый феххуыс уыдзӕн транспортон къабазы, цӕрӕнуатон-коммуналон хӕдзарады ӕмӕ социалон блокы горæты уавæр фӕхуыздӕр кӕнынӕн. Администрацийы сбӕрӕг кодтой 8 фыццаградон проекты. Се ‘хсæн Терчы сӕрты хиды арӕзтад Павленкойы уынджы кæрон, инвалидты реабилитацийы бирӕпрофилон центры. Уыимæ центрон базары рдыгæй транспортон фæзилæн скæнын ӕмӕ сфӕлдыстадон кластер “Кинохроника” саразын. Уымӕй уӕлдай, фæнд кæнынц къæвдайы донæмбырдгæнæнты арӕзтад, инженерон хъахъхъӕнынады объекттӕ Тарскӕйы хохы фахсыл. Ныридæгæн бакуыстой Дзæуджыхъæуы дизайн-код, шрифт æмæ брендбукыл.
Фæндаггон картæмæ гæсгæ проектты æххæсткæнынад у дыууæ мин æртын æртыккæгæм азмæ. Уӕ зӕрдыл уын ӕрлӕууын кӕндзыстæм, Дзӕуджыхъӕуы мастер-пълан бацӕттӕ кодта паддзахадон корпораци ДОМ.РФ Уӕрӕсейы Федерацийы Президенты амынддзинадмæ гӕсгӕ.
