Дзанайты Барисы разамындæй уыд раззагдæр проекттæ æххæст кæныны фæдыл æмбырд

Фыццаградон проекттæ æххæст кæныныл æмæ ахсджиагдæр къабæзты райрæзты фæдыл ныхас цыд Дзанайты Барисы разамындæй æмбырды. Цæгат Ирыстоны экономикон рæзты моделы фæлгæты æххæст кæнынц фондз раззагдæр проекты агропромышленнон комплексы, туризмы æмæ лоистикæйы, уыдонмæ бахастой 12 дæлпроекты. Бирæтæ æххæстгонд æрцыдысты. Парахат кæй кæнынц, уыдоныл дзургæйæ, хърмуæтты комплекс «Алани»-йы арæзтад фæцис. Ныртæккæ куыстытæ цæуынц райуæрсты центр скæныны фæдыл. Уымæй уæлдай ма регионы территорийыл фæзындзæн агроэкотуристон парк «Земля Осетия». Эксплуатацийы радтой цыппар коттеджы, павильон, интерактивон хæрæндон æмæ фембæлдтыты зонæ «Солнечный круг». «Алания парк»-ы сервисон центр дæр цæттæ у. Эксплуатацийы радтой рæтæнвæндаг. Ацы азы фыццаг кварталы проектты хыгъдмæ бахастой проект «Молекул АКВА» нуазыны дон æмæ нозтытæ уадзыны фæдыл. Арæзт æрцæудзæн кондадон-дарæн хуызы. Продукцийы фыццаг парти арвитын фæнд кæнынц Петербургы æппæтадæмон экономикон форуммæ. Дзанайты Барис фæнысан кодта, фыццаградон проекттæн республикæйы райрæзты стыр нысаниуæг ис. Уыимæ ма куыд куысты бынæттæ æмæ бюджетмæ æфтиæгтæ, афтæ. Уымæй уæлдай ма регионы территорийы æххæстгонд цæуынц инвестицион проекттæ, уыдонмæ дæр ис уæлдай цæстдард.