Цæгат Ирыстоны паддзахадон университеты аивæдтты факультеты студенттæ сценæйыл сæвæрдтой Хуыгаты Георгийы пьесæ. У сæ дипломон куыст. Режиссеры хъуыдымæ гæсгæ та æвæрд у ног хуызы. Схуыдтой йæ – комиксы хуыз. Уыимæ уырыссаг æвзагыл. Ис дзы нырыккон музыкалон номыртæ, рухсытæй цымыдисаг нывтæ. Уæдæ актертæ сæ сценикон уæлæдарæсæй дæр адæмы зæрдæтæ балхæдттой. Кæд пьесæ ног хуызыы æвдыст цæуы, уæддæр йæ сæйраг хъуыды нæ аивта – дзуры адæймаджы миниуджытыл, раст æмæ зылыныл, æнувыддзинад æмæ мæнгарддзинадыл, уарзондзинад æмæ хиндзинадыл.
Режиссеры ныхæстæм гæсгæ ахæм спектакль аивадуарзджыты зæрдæмæ хъуамæ фæцæуа æмæ ацы классикон уацмысмæ фылдæр адæм бакæсдзысты. Чи чиныджы, чи та сценæйы.
