«Горæты æнцонвадат уавæртæ аразыны»-ы федералон проектмæ гæсгæ Дигорайы аив кæнынц æхсæнадон бынæттæ

Дигорайы дарддæр аив кæнынц æхсæнадон бынæттæ. Куыстытæ цæуынц «Горæты æнцонвадат уавæртæ аразыны» федералон проектмæ гæсгæ.  Ныртæккæ зилынц дыууæ территоримæ. Хæстæгдæр рæстæг дзы фæзындзæн тротуартæ, бандæттæ, чысыл архитектурон формæтæ, рухсгæнæн системæ, сывæлæттæн хъазæн комплекстæ æмæ спортивон фæзтæ. Бынæттæ адæм равзæрстой сæхæдæг. Æрвылаз республикæйы цæрджытæн фадат фæзыны рацаразинаг æхсæнадон зонæтæ равзарынæн, уыдон фыццаджыдæр хаст æрцæуынц сæрмагонд программæмæ. Фылдæр хъæлæстæ цы проекттæ сæмбырд кæнынц, уыдон бахауынц фидæны азы куыстыты хыгъдмæ.