“Иугонд Уæрæсе”-йы штабы схорзæхджын кодтой проекты архайджыты

Дзӕуджыхъӕуы схорзӕхджын кодтой проект «Щит Отечества»-йы архайджытæ ӕмӕ мадзаларазджыты. Проект здæхт у скъоладзауты ӕмӕ студентты æфсæддон-патриотон хъомыладмӕ. Æрыгон адæм цӕуынц тактикон, рӕнхъон ӕмӕ медицинон цӕттӕдзинад, ахуыр кӕнынц хӕцӕнгӕрзтимӕ архайын ӕмӕ æнæпилотон тæхæн аппараттæн разамынд дæттын. Программӕйы ма ахуырадон мадзӕлттӕ ӕмӕ фембӕлдтытӕ сӕрмагонд æфсæддон операцийы ветерантимӕ. Хицӕнӕй фӕбӕрӕг кодтой, проект парахат кӕнынӕн чи ӕххуыс кӕны ӕмӕ фӕсивӕды патриотон хъомыладмӕ ӕвӕрӕн чи хӕссы, уыдоны. Хорзæхтæ радтой Дзӕуджыхъӕуы парти “Иугонд Уæрæсе”-йы архайдӕй.