“Цæгат Ирыстоны наукæ æмæ наукон-техникон политикæйыл” закъон æххæст кæныны фарстатыл ныхас цыд парламентон байхъуыстыты. Куысты архайдтой депутаттæ, Ахуырад æмæ наукæйы министрады минæвæрттæ, Уæрæсейы наукæты академийы Дзæуджыхъæуккаг наукон центры уæнгтæ, уæлдæр ахуыргæнæндæтты кусджытæ.
Ныхас цыд бындурон наукæтыл, куыд техникон райрæзты интеллектуалон фæрæзтыл, афтæ. Уыимæ ахсджиагдæртæй иу – кадрон фарста. Дзуапдæттæг министрадæй куыд фехъусын кодтой, афтæмæй республикон физикон-математикон лицейы дæнцæгмæ гæсгæ, фæстаг 5 азмæ рауагъдонтæн сæ фылдæр равзæрстой инженерон дæсныйæдтæ.
Абон ма байхъуыстыты фæлгæты сарæзтой наукон сгуыхтдзинæдты равдыст-презентаци. Сæ стендтæ рæгъмæ рахастой Хæххон-аграрон æмæ Цæгат Ирыстоны паддзахадон университеттæ, стæй Дзæуджыхъæуккаг наукон центр.
