Ног азы бæрæгбоны агъоммæ Сергей Меняйло схорзæхджын кодта республикæйы алы къабæзты хуыздæр цæрджыты

28.12.2024 20:22

Курдиатджын, удæй фидар, фæллойуарзаг. Сæргълæууæг кад скодта спортсментæн, ахуыргæнджытæн, æфсæддонтæн, кæцытæ Цæгат Ирыстоны райрæзтмæ бахастой сæ æвæрæн.

Ног азы бæрæгбоны агъоммæ Сергей Меняйло схорзæхджын кодта республикæйы алы къабæзты хуыздæр цæрджыты.
Курдиатджын, удæй фидар, фæллойуарзаг. Сæргълæууæг кад скодта спортсментæн, ахуыргæнджытæн, æфсæддонтæн, кæцытæ Цæгат Ирыстоны райрæзтмæ бахастой сæ æвæрæн. Хынцæгты Хетæг, 2024-æм азы Паралимпаг хъæзтыты чемпион дæргъмæ гæпп кæнынæй, фидардзинад æмæ лæгдзинады дæнцæг. 2020-æм азы Токиойы фæхæрды фæстæ раздæхт æмæ рамбылдта сызгъæрин. Сергей Меняйло “Ирыстоны намыс”-ы майданæй схорзæхджын кодта нæ фæсивæды – Паралимпаг хъæзтыты уæлахиздзауты æмæ призерты. 11-æм скъолайы ирон æвзаг æмæ литературæйы ахуыргæнæг Хуриаты Жаннæ йæ цард снывонд кодта сывæллæттимæ куыстæн. Абон хорзæхгонд æрцыд “Республикæ Цæгат Ирыстон-Аланийы сгуыхт ахуыргæнæг”-ы номæй. Регионы разамонæг се ‘ппæтæн дæр ракодта арфæ сæ сгуыхтдзинæдты æмæ Ног Азы фæдыл.

Предыдущий материал

Йе юбилей бæрæг кæны Змейкæйы 1-æм скъола

Следующий материал

“Мамысон”-ы курортмæ фæндаджы арæзтад кæронмæ æрхæццæ

Читайте также

Все новости