Абон рак у, ӕнтыстджынӕй дзӕбӕх кӕнӕн кӕмӕн ис, ахӕм низ. Сентябры Галина Мурдугова æрбацыд онкодиспансермӕ. Рабæрæг æм карциномæ. Æвӕстиатӕй йын операци скодтой, низы рӕзт бауромгӕйӕ. Ныртӕккӕ йӕхи зынгæ хуыздæр æнкъары.
Нырыккон диагностикӕйы фӕрцы республикӕйы 18 мин онкопациентӕн сӕ фылдӕр хаймæ — ремисси. Маркусы уынджы онкологон поликлиникӕйы пайда кӕнынц раззагдӕр маммографӕй.
Ацы аппарат у иунӕг регионы. Базоны, хуымӕтӕг техникӕ кӕй нæ уыны, уыцы хӕрз чысыл ивддзинӕдтӕ дæр. Низ афоныл бафиппайын — адӕймагӕн цæрыны фадат раттын.
Уæрæсейы Ӕнӕниздзинадхъахъхъӕнынады министрады бӕрӕггӕнӕнтӕм гӕсгӕ, бæстæйы æрвылаз онкологи рабӕрӕг кӕнынц 700 мин адӕймагмӕ. Рагагъоммæ диагностикӕ тынг ахсджиаг у.
Низ рабӕрӕг кӕныны фыццаг къӕпхӕн свӕййынц амбулаторон онкологион ӕххуысы центртӕ. Сӕ иу кусы Фыццаг поликлиникӕйы, ӕрвылбон исы 50 адӕймагӕй фылдӕр. Ахӕм хайӕдтӕ байгом сты Цӕгат Ирыстоны ӕппӕт районты дӕр, уымӕ гӕсгӕ басгӕрст ныр ацӕуӕн ис цӕрӕн бынаты.
Абон, ног технологиты фæрцы, рак сдзӕбӕхгӕнӕн ис. Фӕлӕ республикӕйы нырма ис льготон хосты фарста, ӕмӕ уый комкоммӕ ахады дзӕбӕх кӕныныл. Регионы разамынд ныридӕгӕн уӕлӕмхасӕн фӕрӕзтӕ дӕтты хостӕн, республикӕйы сӕргълӕууӕг та фарстмӕ цæст дары.
