Операци куыд фæхицæн, уый Гуæцæлты Владимир æмбаргæ дæр нæ бакодта. Бахъуыд ын 25 минуты бæрц æмæ нæлгоймаг къахыл лæуд уыд. Сæр гыццыл зилы, фæлæ йæ дохтыртæ палатæмæ фæхæццæ кодтой. Цалдæр азы 77 аздзыд пациентæн йæ бон улæфын нæ уыд. Раиртæстой йæм хронический гнойный гемисинусит кæй хонынц, уый. Бæлвырддæр дзургæйæ пазухæйы стыр рæсыд. Владимир дохтыртæй стыр бузныг у.
Бирæ азты пациенты цы низ тыхсын кодта, уымæй йæ фервæзын кодтой ног кусæнгæрзты фæрцы. Раздæр ахæм прибортæ регионы нæ уыд. Ныр та республикæ æххæст у хъæугæ бындуртæй – эндоскопон гарз æххуыс у операцитæ фæрогдæр кæнынæн. Уæлдайдæр дæр æппынæдзух синуситимæ пациенттæн.
Нæ специалисттæ сæ ног кусæнгæрзтыл ныридæгæн скодтой 15 æнтыстджын операцийы. Раздæр иу пациенттæн уыдысты травмæтимæ. Абон бæрзондтæхнологон процедурæтæ дзуапп дæттынц æппæт нырыккон домæнтæн. Операцийы бæсты — рог æмæ æдас хуызæй рынчынæн баххуыс кæнынц эндоскопы фæрцы. Алцыдæр фындзы уылты, æнæ æддагон хъæндзинæдтæй.
Операцийы фæстæ рацыд æрмæст цалдæр къуырийы. Валерий Губеев йæхи хуыздæр æнкъарын райдыдта. Нæлгоймаг бирæ азты хъусæй æвзæр хъуыста. Йæ уавæр фæрогдæр кæнынмæ æрмæст ныр бахаста йæ ныфс, сразæнгард æй кодта ног кусæнгæрзты фæзынд. Сæйрагдæр та уый у æмæ æппындæр нæ фæфæсмон кодта.
Специалисттæ иууылдæр ног кусæнгæрзтыл цæттæгæнæн мадзæлттæ ацыдысты. Дæсныйадæвдисæг ахуыртæ сын сарæзтой Мæскуыйы хуыздæр клиникæты, уым ныридæгæн ацы гæнæнтæй пайда кæнынц. Медиктæ нæ регионмæ дæр ссыдсты, къæпхæнгай æвдыстой ахæм операцитæ иттæг хорз скæнæн куыд ис, уый.
Ног кусæнгæрзтæ – стыр хъомыс сты Цæгат Ирыстоны медицинæйы райрæзтæн. Дзуапдæттæг министрад медицинон кусæндæтты ифтонгадмæ уæлдай цæст дары.
Æмæ ууыл æрлæууынмæ нæ хъавынц. Нырыккон гæнæнтæй пайдакæнынад рухс фидæнмæ къахдзæф нæу, фæлæ ма сæ фæрцы хуыздæр кæндзæн цæрджыты царды хæрзхъæддзинад дæр.
