Абон бæрæг кæнынц культурæйы кусæджы бон. Сæ профессионалон бæрæгбоны фæдыл ацы къабазы минæвæрттæн арфæ ракодта Цæгат Ирыстоны сæргълæууæг Сергей Меняйло.
Куыд фæнысан кодта, афтæмæй нæ бирæнацион республикæ хъуамæ сæрыстыр уа нæ культурон хæзнатæй. Сты алывæрсыг, фæзындысты адæмы национ хъуыдыкæнынадыл. Цæгат Ирыстонæй рацыд бирæ зындгонд адæм. Канд национ хæзнайыл банымайæн сæ нæй, систы дунеон культурæйы хай. Ацы бæрæгбоны ма уын бузныг зæгъын, республикæйы райрæзтмæ стыр æвæрæн кæй хæссут, уый фæдыл. Фæлтæрæй-фæлтæрмæ культурæйы кусджытæ сæ куыст æххæст кæнынц æвæллайгæйæ. Ныртæккæ зын рæстæг у. Фæлæ æхсæнадыл уæ куыст хорзырдæм ахады, уæ руаджы хъæддых æмæ фидардæр кæнынц æгъдау æмæ монон культурæйы цæджындзтæ. Мæ зæрдæ уын зæгъы фидар æнæниздзинад, стыр æнтыстдзинæдтæ æмæ бирæ цæрæнбон — загъд уыдис арфæйы фыстæджы.
