Сергей Меняйло фембæлд æппæтадæмон æхсæнадон змæлд «Иры Стыр Ныхас»-ы ног сæрдар Хадыхъаты Азæмæтимæ

Сергей Меняйло фембæлд æппæтадæмон æхсæнадон змæлд «Иры Стыр Ныхас»-ы ног сæрдар Хадыхъаты Азæмæтимæ. Æмбырды ма архайдта республикæйы сæргълæууæг æмæ хицауады администрацийы разамонæг Гобеты Ибрагим. Æрныхас кодтой куысты сæйраг хæстæ, здæхтытæ æмæ организацийы райрæзты фарстатыл. Сергей Меняйло куыд фæнысан кодта, афтæмæй «Иры Стыр Ныхас»-æн ис стыр ахадындзинад национ традицитæ, культурæ, æвзаг бахъахъхъæныны æмæ фæлтæрты ‘хсæн бастдзинады фарстаты. Сæргълæууæг куыд загъта, афтæмæй дзы ныфс ис организаци дарддæр бæстонæй йæ куыст кæй кæндзæн æмæ иумæйаг нысантæ сæххæст кæнынæн адæмы кæй æрбангом кæндзæн.