Цæгат Ирыстоны сæргълæууæг Сергей Меняйлойæн уыд кусæг фембæлд Уæрæсейы рухстауынады министры хæдивæг Ирина Шварцманимæ, кæцы ацы бонты ис Цæгат Ирыстоны. Æмбырды архайджытæ æрдзырдтой регионы ахуырады къабазы дарддæры райрæзтыл. Ирина Шварцман йе ‘ргом аздæхта системæйы хорзы æрдæм ивддзинæдтæм. Хицæнæй æрлæууыдысты педагогон кадртæн æххуысы гæнæнтыл. 35 милуан сомы арвыстой скъолайы кабинетты ифтонгадæн. Сергей Меняйло куыд бафиппайдта, афтæмæй ацы аз хъæугæ кусæнгæрзтæ самал кæндзысты республикæйы 162 скъолайæн.
