“Спецэкосервис” райста 5 ног хæдтулгæйы

“Спецэкосервис” йæ хæдтулгæтæм фондз нырыккон машинæйы бафтыдта.  Техникæ Дзæуджыхъæуы уынгтыл кусдзæн цыфæнды афæдзы афон дæр. Фæззыгон-зымæгон, кæнæ уалдзыгон-сæрдыгон рæстæг йе ‘ххуысæй сыфтæр æфснайдзысты, фæндæгтæ æхсдзысты, змис æмæ цæхх сыл пырх кæндзысты. Сыгъдæг кæндзысты къахвæндæгтæ æмæ æрлæууæн бынæттæ дæр. Хæдтулгæтæ сты Уæрæсейы уагъд. Уый фæдыл бахъуаджы хæйттæ æлхæныны æмæ цалцæджы хъуыддаджы къуылымпыдзинæдтæ нæ уыдзæн. Горæты администрацийы сæргълæууæг Милдзыхты Вячеславы ныхасмæ гæсгæ, транспорты хæрзхъæддзинад бæрзонд у. Йæ фæсарæйнаг аналогтæй фæстæ нæ лæууы. Техникæ æлхæд æрцыд райрæзты финансон институт “ДОМ РФ”-ы цæрæнуатон къабазы льготон лизингы программæмæ гæсгæ, Милдзыхты Вячеславы хъæппæрисæй.