Сæйраг парчы цалцæггæнæн куыстытæ ацы аз кæронмæ фæуыдзысты. Уый тыххæй фехъусын кодта Дзæуджыхъæуы администрацийы сæргълæууæг Æлбегаты Барис Битарты Вячеславимæ фембæлды рæстæг. Парчы аив кæнæн куыстытæ цæуынц федералон программæ «Формирование комфортной городской среды»-йы фæлгæты. Уымæй уæлдай ма фæнд кæнынц Дзæуджыхъæуы бирæуæладзыгон хæдзæртты кæртытæ саив кæнын. Уый тыххæй радих кæндзысты 100 милуан сомы.
Куыстытæ чи æххæст кæндзæн уыцы организациты сбæрæг кæндзысты фæззæгмæ. Æмбырды сæйраг фарстатæй иу уыд горæты цæттæдзинад сæрдмæ æмæ цæрджыты уылæфæн рæстæгмæ.
Æлбегаты Барис радзырдта доны станцæйы æмæ фонтанты цæттæ кæнæн куыстытæ куыд цæуынц уый тыххæй. Йæ ныхæстæм гæсгæ дыккаг цад ныссыгъдæг кодтой тагъд дзы дон ауаддзысты. Ацы аз горæты цæрджытæн ног цады найыны фадат уыдзæн. Уымæй уæлдай ма 9-æм майы линимæ рауаддзысты ног цалцæггонд трамвай. Уæд вагæтты нымæц уыдзæн 17.
Битарты Вячеслав ма йе ргом аздæхта традицион чи сси уыцы субботникмæ. Фыццаг сараздзысты 20 апрелы. Уый фæстæ арæзт уыдзысты мæй иу хатт, аххæсдзысты суанг æрæгвæззæгмæ. Æлбегаты Барис куыд бафиппайдта афтæмæй самал кодтой фаг кусæнгæрзтæ, ахронтæ, цæмæй горæты уынгтæ æмæ парктæ бафснайой.
