Сывæллӕтты реабилитацион центр «Тамискъ» æрбамбырд кодта бæстæйы алы регионтæй сабиты. Иу фæзыл сты Цæгат Ирыстоны, Луганск æмæ Донецкы адæмон республикæтæ, Белгороды облæст æмæ Стъараполы крайæ фæсивæд. Бацæттæ сын кодтой хъæздыг программæ. Ацы хатт сæрдыгон сменæ цæуы арт-фестиваль «Уæрæсейы адæмон орнамент»-ы хуызы. Сывæллæттæ зонгæ кæнынц бæстæйы алы адæмыхаттыты культурæимæ. Бæлвырддæр нæ программæйы.
Арæхстгай алы лыстæг хай дæр кæрæдзиуыл бæттынц. Сæйрагдæр у хаххæй ма ахизын. Гæххæт æмӕ клейы руаджы сывæллæттæ сарæзтой дидинæг. Кæркусæг у бинонты уарзондзинад æмæ хæлардзинад æвдисæг дидинæг, пайда ма дзы кæнынц тæтæйраг националон орнаменты дæр. Ацы адæмыхатты номыл нысангонд у сæ архайд дæр.
Ай та реабилитацион центр «Тæмискъ»-ы у дурынгæнæн æмрадз. Сабитæ æлыгæй мигæнæнтыл ныв кæнынц чувашаг националон орнамент. Дулаты София йæ ныв кæны фыццаг хатт. Зæгъы, зынæй дзы ницы ис, у цымыдисаг.
Реабилитацион центр «Тæмисчъы» сæрдыгон сменæ цæуы арт-фестиваль «Уæрæсейы националон орнамент»-ы хуызы. Æдæппæтæй 200 сывæллоны республикæйы районтæй, уыимæ Луганскы æмæ Донецкы адæмон республикæтæй,
Белгороды облæст æмæ Стъараполы крайæ. Дæс къордæй алкæцы дæр æвдисы иу адæмыхатты цардархайд. Ардæм канд æрмадз æмæ æлыджы хъуыддаг нæ хауынц. Ис дзы националон уæлæдарæс, хæринæгтæ æмæ кæфтытæ. Уырыссаг адæмон кафт равдисынæн фæсивæдæн бахъуыд къуырийæ къаддæр. Бирæтæ дзы архайдтой фыццаг хатт.
Нæ бæстæйы хъæздыг истори хуыздæр базонын. Дзырдæн, ам сабитæ æппынæдзух хъуыддагыл хæст сты. Ахуырадон программæ, спортивон хъæзтытæ æмæ ма суанг чирлидинг.
Арт-фестивалы кæронбæттæны уыдзæн гала-концерт «Душа моя – Россия». Фæсивæд равдисдзысты сæ зонындзинæдтæ. Уыдзæн дзы сфæлдыстадон куыстыты равдыст æмæ кæфтытæ. Ахæм хуызы фæнд кæнынц тематикон сменæ сæхгæнын.
