preloader
сейчас в эфире
22:45
+
Смотрите Далее
+
ТВ ПРОГРАММА
+
close

Сывæллæтты низтимæ тох

17.01.2018 16:53

Хæстæгдæр рæстæг сывæллæтты республикон рынчындоны байгом кæндзысты ног инфекцион корпус.

Хæстæгдæр рæстæг сывæллæтты республикон рынчындоны байгом кæндзысты ног инфекцион корпус. Аразджытæ бацархайдтой æмæ йæ сарæзтой, стæй йæ сифтонг кодтой нырыккон домæнтæм гæсгæ. Уый руаджы-иу рынчынтæ сæ къæхтыл тагъддæр слæудзысты. Сывæллæттæн лæггад кæндзысты, сæ бон куыд у, афтæ нæ, фæлæ ног медицинон домæнтæм гæсгæ. Куыд кусдзæн дзæбæхгæнæндон æмæ дзы цы уавæртæ ис, уый нын рынчындоны дохтыртæ рагагъоммæ равдыстой. Не сфæлдыстадон къордæн сарæзтой экскурси.

Уæрæх къæридортæ, рухс палатæтæ. Медицинон процедурæтæн кабинеттæ та аив палатæтæ… Уæдæ лабораторитæ дæр уæлдай зæрдæмæдзæугæ сты, дохтыртæн дзы кусын удæнцой у. Нырыккон техникæ æмæ прибортæ æвдисынц иттæг раст бæрæггæнæнтæ. Рынчын исæн уатмæ куы бахауы, уæд æм æркæсынц, стæй йæ арвитынц, рынчындоны 4 хайадæй кæдæм æмбæлы, уырдæм. Тæссаг æмæ низхæссæг инфекцитæй рынчынты та бакæнынц сæрмагонд æхгæд бокстæм. Бынат сын радих кодтой ног инфекцион корпусы уæллаг уæладзыджы. Уый дæр хорзыл банымайæн ис – рынчынты боксты хайадмæ аласынц рынчындоны къæридорты алывæрсты. Æмæ низ бахæцынæй тæссаг никæмæн у. Ног корпусы ис 20 боксы, раздæр 2 хатты къаддæр уыдысты.

Ног инфекцион бæстыхайы бынат ис 100 пациентæн. Ис дзы реанимацион 4 хайады, сæ иу – улæфæнты тæссаг низтæй рынчынтæн, 2 та тъæнгты тынг тæссаг инфекцитæ кæмæ рабæрæг кодтой, уыдонæн. Хайæдтæ ифтонг сты хъæугæ кусæнгæрзтæй æмæ техникæйæ, суанг ма сæм ис хи рентген æмæ УЗИ аппараттæ. Хæстæгдæр рæстæг ма дзы сæвæрдзысты ногтæ.

Инфекцион хайады зæронд бæстыхай сарæзтой ивгъуыд æнусы. Фæстаг хатт бындуронæй цалцæггонд куы уыд, ууыл рацыд 30 азæй фылдæр. Æмæ уæд дæр инженерон системæтæ æмæ санитарон-техникон кусæнгæрзтæ нæ баивтой. Ныр ног бæстыхаймæ кæсгæйæ дохтыртæ æмæ медицинон кусджытæ сæ цин æмбæхсгæ дæр нæ кæнынц. Агъуыст æмæ йæ ифтонгдзинад дзуапп дæттынц æппæт домæнтæн.

Уæвгæ инфекцион хайадæн ног бæстыхай аразыныл ныхас кæнын райдыдтой 25 азы размæ. Арæх куыд вæййы, афтæ рауад – ныхæстæй æмæ фæндтæй дарддæр хъуыддаг нæ цыд. Бирæ азты ныддæргъвæтин. Фæлæ федералон программæйы руаджы хъуыддаг базмæлыд. 2 азы размæ куыстытæ сног сты. Æмæ йæ ныр ацы мæйы кæрон хъуамæ эксплуатацимæ радтой.

Зыхъуаты Жаннæ

Читайте также
Все новости
Темы
Рекомендуем
Алания после нашествия Тамерлана | Ход истории
20.11.2026
Уастырджимæ кувæн къуыри, хæрзаудæн акци æмæ Дзуæрттимæ цыд | Йæ рæстæгыл
20.11.2026
20.11.2026 | Доброе утро, Осетия!
20.11.2026
Махарбек Туганов I Подробнее
19.11.2026
Автоматизация бизнес процессов I Бизнес-сфера
19.11.2026
Футбольная команда «Иристон», День преподавателя высшей школы и актуальные новости недели I Самое время
19.11.2026
19.11.2026 I Ирон чат. Æгайт-ма!
19.11.2026
19.11.2026 | Дæ райсом хорз, Ирыстон!
19.11.2026
Анастасия Стукалова I Дело мастера
18.11.2026
Соседство с медведями: реальная угроза или тревожные слухи I Среда влияния
18.11.2026
Нигер I ДОК
18.11.2026
18.11.2026 I Доброе утро, Осетия!
18.11.2026
Студентты æппæтадæмон бон, ансамбль «Алан»-ы гастрольтæ æмæ Бирæгъты Къостайы мысгæйæ | Йæ рæстæгыл
17.11.2026
17.11.2026 | Дæ райсом хорз, Ирыстон!
17.11.2026
16.11.2026 I Самое время
16.11.2026
Все рекомендуемое