Фӕсарӕнты конд дрон æрбатахт Запорожьейы ‘рдыгӕй. Не ‘фсæддонты бынатмæ ‘ввахс йӕ бон сгарæн куыст бакæнын нӕ баци ӕмӕ йæ ‘рбадын бахъуыд. Ныр ын йæ программæ аивдзысты. Уый фӕстӕ дзы пайда кӕндзысты ног пилотты ахуыр кӕнынӕн.
Фӕлӕ тӕхыны размӕ бирӕ рӕстӕг арвитын хъӕуы зӕххыл. Фыццаг уал дрон амонын ӕфсӕддонтӕ ахуыр кӕнынц симуляторыл. Ноутбукы экраныл уынынц виртуалон хӕсты быдыр. Уавӕртӕ — æцæгты хуызӕн. Уым дæр — ӕфсӕддон техникӕ ӕмӕ тыхджын дымгӕ.
“Фыццаджыдæр æргом здæхт цæуы хъазахъхъы дӕлхайӕдтӕм, зӕгъӕм, “Покров”-ы къордмæ. Мадзаларазджытæ ӕрбахуыдтой цæрджыты. Нӕлгоймӕгты ӕфсӕддон службӕмӕ хонынц контрактмӕ гӕсгӕ. Æнæпилотон системæты дæлхайӕдтӕм”.
Къусраты Георгий ӕрӕджы сыздӕхт. Ныртӕккӕ иннӕты ахуыр кӕны дронтимæ кусыныл. Инструктор куыд зæгъы, афтӕмӕй ахсджиаг у знаджы æнæпилотон аппарат афоныл ӕрӕппарын. Цалынмæ æфæсддоны не ‘рбаййæфта, уæдмæ.
“Автомат АК-74 ӕнцондӕр у тохы. Зæгъæм, бирӕ ӕнцондӕр у йӕ халын ӕмӕ ӕмбырд кӕнын”.
Равдыстой канд ӕнӕилотон аппараттæ нӕ, фӕлӕ ӕцӕг хӕцӕнгӕрзтӕ дӕр. Уыдис дзы автоматтӕ АК-12 ӕмӕ АК-74, дамбаца “Викинг” ӕмӕ Дрогуновы снайперы винтовкæ. Хӕсты арӕх бахъӕуы уыцы хӕцӕнгарзӕй дронтæ ӕхсын.
“Лӕппутимӕ нын бацамыдтой тæхæн аппараттæн хъæугæ арæхстдзинæдтæ. Бамбарын нын кодтой, куыд кусынц ӕмӕ цӕмӕй ӕххуыс кӕнынц, уый. Мӕ зӕрдӕмӕ тынг фӕцыд. Раззаг рӕнхъыты уыцы аппараттӕ æнæмæнг сты, уымӕ гӕсгӕ салдӕтты ахуыр кæнын хъæуы.
Дзæгъойты Мурат сæрмагонд æфсæддон операцийы фыццаг бонтӕй фӕстӕмӕ уыд раззаг рӕнхъыты. Фронты бамбӕрста, дронтæ нырыккон хӕсты сӕйрагдӕр хӕцӕнгӕрзты ‘хсæн кӕй сты, уый.
Дронты куыстимӕ базонгӕ сты 20 хъазахъхъаджы. Фидӕны сӕ бон бауыдзӕн ӕнӕпилотон аппаратты системӕты ӕфсӕдты службӕ кӕнын. Фыццаг сӕ хъӕуы карз ӕвзӕрст, стӕй та — хӕстон цӕттӕдзинад.
