Цӕгат Ирыстоны сӕргълӕууӕг Сергей Меняйло сарӕзта Горӕты арӕзтады советы ӕмбырд

Цӕгат Ирыстоны сӕргълӕууӕг Сергей Меняйло сарӕзта Горӕты арӕзтады советы ӕмбырд. Ӕркастысты Дзӕуджыхъӕуы ӕмӕ республикӕйы районты коммерцион объектты 10 проектмӕ. Ӕрныхас кодтой разуындтæ, архитектурӕ, инфраструктурӕ, хæдтулгæтæ уромæн бынæттæ ӕмӕ ӕндӕр фарстатыл. Республикӕйы сӕргълӕууӕг куыд фӕбӕрӕг кодта, афтӕмӕй алы ног бæстыхай дӕр хъуамӕ фидауа горӕттӕ ӕмӕ хъӕуты архитектурон хуызы. Цы объекттæ ис, уыдон та ӕркӕнын хъӕуы горӕты арӕзтады домæнтæм, уыимӕ алы цӕрӕн пункты хицæндзинад бахъахъхъӕнгӕйӕ. Ӕмбырды хатдзӕгтӕм гӕсгӕ, баныхас кодтой 3 проектыл, иннӕтӕ арвыстой бакусынмӕ. Сергей Меняйло фæнысан кодта горӕты иумæйаг арӕзтады политикӕйыл æнгом куысты ахадындзинад ӕмӕ баххах кодта бынӕттон администрациты бæрнондзинад. Горӕты арӕзтады совет хъуамӕ суа сӕйраг проекттыл профессионалон хуызы ӕрныхас кӕныны фӕз. Уый иу кӕны хицауады оргӕнты минӕвӕртты, архитекторты ӕмӕ дзуапдæттæг специалистты.