Центры “Мой бизнес”-ы æрцыд ахуырадон программæты сери амалхъом

Адæмы æмæ компаниты къордты размæ дæ уникалон лæггæдтæ кæнæ продукт афтæ рахæс, цæмæй дзы, æнæмæнг, спайда кæной. Хи хъуыддаг раст куыд рацаразын хъæуы, ууыл ахуыр кодтой центр “Мой бизнес”-ы. Æнтыстджын стартапы сусæгдзинæдтимæ базонгæ кодтой 160 амалхъом адæймаджы. Уыдон æххæст кæнынц социалон ахсджиаг хъуыддæгтæ. Кæсынц уæззау рынчынтæм. Куысты бынæттæ дæттынц инвалидтæн, сидзæртæн, пенсионертæн æмæ лигъдонтæн. Хъыгдæрд æнæниздзинадимæ сывæллæттæн кæнынц æмбæлгæ æххуыс. Архайджытæ райсдзысты сертификаттæ. Ныр хи хъуыддаджы райрæзтæн сæ бон райсын у грант 500 мин сомы. Курдиат бадæттæн ис ацы мæй. Спикертæ уыдысты хуыздæр федералон эксперттæ. Ахуырадон программæтæм байхъуыстытæ ацыдысты “Чысыл æмæ астæуккаг амалхъомад æмæ хи хъæппæристæн æххуыс”-ы нацпроекты фæлгæты.