Уæ гæххæттæ ма равдисут

3 сахатмæ рабæрæг кодтой 200 барадхæлды. Æгъдаухалджытæ арæхдæр машинæ расыгæй фескъæрынц, бирæтæ та ма – æнæ бардæттæг гæххæттытæй. Рейды рæстæг фæндæгтыл куыстой алы тыхы структурæты 150 минæварæй фылдæр. Сгæрстой машинæты салонтæ æмæ уæзæгтæ ласæнтæ, кинологтæ та бæрæг кодтой, наркотиктæ æмæ рæмудзæн æрмæджытæ сæ искæмæ ис æви нæ, уый. Афтæмæй 3 сахатмæ басгæрстой 500 машинæйы. Мидхъуыддæгты министрады хъусынгæнинагмæ гæсгæ, ахæм рейдтæ араздзысты фæткмæ гæсгæ. Сæ нысан у фæндаггон фыдбылызты нымæц фæкъаддæр кæнын, наркотикты æмæ хæцæнгарзы æнæзакъон зилдухимæ тох кæнын.