Дзæуджыхъæуы парчы раздæры бирæуæладзыгон арæзтады бынаты фæзындзæн уникалон фонтан. Проектыл бакуыстой æппæтадæмон архитектурон бюройы. Уыдзæн бирææмвæзадон композици. Уæллаг хайы – фæлладуадзæн бынат, фистæгæй цæуджытæн фæндæгтимæ. Астæуккаджы – æхсæрдзæн, фыццаг æмвæзадыл та фæнд кæнынц ленкгæнæн фистæгдзæуæн фонтан скæнын. Ландшафтон зонæ сараздзысты æппæты нырыккон æрмæджытæй пайда кæнгæйæ. Проект æххæстгонд цæуы Сергей Меняйло æмæ Сбербанкы разамындимæ бадзырды фæлгæты. Фенæн сæ ис “Госуслуги. Решаем вместе” платформæйы. Уым цæрджытæн фадат ис сæ хъуыдытæ æмæ фиппаинæгтæ ныууадзынæн.
Ныртæккæ уал куыстытæ æххæстгæнæг нысангонд не ‘рцыд. Арæзтад кæд райдайдзæн уый сбæрæг уыдзæн 21-æм июлы фæстæ, æхсæнады хъуыдытæ куы базонæм, уый фæстæ. Дарддæр инвестор йæхæдæг бæрæг кæндзæн, чи архайдзæн куыстыты, уыдоны. Нырма уал уыцы лыстæгдзинæдтæ бæрæг не сты. Бынат у цæрджытæн сæ уарзондæртæй иу, æппынæдзух дзы адæм тезгъо кæнынц. Мæнмæ гæсгæ, сæ зæрдæмæ фæцæудзæн. Уырны нæ, фидæны азмæ ивддзинæдтæ кæй фæндзыстæм, уый.
