Журналистты ног фæлтæр

Абон лагерь «Металлург»-ы кусын райдыдта æрыгон журналистты скъола, зæгъгæ. Йæ архайджытæ 25 адæймаджы сты. Абон лагеры æрбынат кодтой. Мадзал арæзт у нæ республикæйы мыхуыры æмæ дзыллон коммуникациты комитеты хъæппæрисæй. Журналистты скъола арæзт у дыккаг хатт. Фæсивæдæн сараздзысты практикон ахуыртæ, аивадон ерыстæ, Цæгат Ирыстоны зындгонд журналисттæ та сын сараздзысты дæсныйад æвдисæг ахуыртæ. Мадзалы сæйраг нысан у – журналистты ног фæлтæр схъомыл кæнын, раргом сын кæнын дæсныйады сусæгдзинæдтæ. Архайджытæн сæ бон сæхи уыдзæн радиойы, телеуынынады æмæ газеты куысты бафæлварын.