preloader
сейчас в эфире
20:17
САМОЕ ВРЕМЯ 12+
Смотрите Далее
20:50
МИРООЩУЩЕНИЕ 12+
21:00
НОВОСТИ 12+
21:30
ТОЛЬКО ФУТБОЛ 12+
22:00
ПАУК 16+
23:05
ЗАГАДКИ ЦИВИЛИЗАЦИИ. РУССКАЯ ВЕРСИЯ 16+
ТВ ПРОГРАММА
САМОЕ ВРЕМЯ 12+
close

Зонадон конференцийы архайджытæ бабæрæг кодтой Дæргъæвс

28.06.2019 21:38

Архайынц дзы æрыгон ахуыргæндтæ.

26-æм июны Цæгат Ирыстоны социалон æмæ гуманитарон иртæстыты институты байгом æппæтдунеон скъола-конференци «Гуманитарон наукæйы нырыккон фæрстытæ». Архайынц дзы æрыгон ахуыргæндтæ. Конференци сарæзтой ирон адæмы национ æмæ культурон рæзты программæ 2018-2020 азмæ паддзахадон программæ æххæст кæныны фæлгæты. Расидт æй нæ республикæйы хицауад. Конференци ссис æрвылазон. Фадат дæтты æрыгон ахуыргæндтæн се `нтыстдзинæдтæ раргом кæнынæн. Абон та конференцийы архайджытæн сарæзтой балц Дæргъæвсмæ.

¤Конференцийы архайджытæ сæ балц райдыдтой нæ республикæйы ахсджиагдæр историон цыртдзæвæнæй – Дæргъæвсы цы «Мæрдты сахар» ис, уымæй. Нымад у Европæйы егъаудæр комплексыл. Уазджытæй бирæтæ фыццаг хатт сты ам. Уымæ гæсгæ сæм ацы ран уæлдай цымыдисаг кæсы. Æрыгон ахуыргæндты скъола-конференцимæ æрбамбырд сты Кæсæг-Балхъар, Турк, Цæцæны Республикæ æмæ Хуссар Ирыстоны минæвæрттæ. Конференци æрыгон ахуыргæндтæ æмæ аспиранттæн стыр пайда кæй хæссы, ууыл дызæрдыг ничи кæны.

Берлам Абдулвахабова, Цæцæны Республикæйы паддзахадон универститеты историон факультеты доцент: «Нæ студенттимæ тынг зæрдиагæй æрбацыдыстæм ардæм, куы нæм фæдзырдтой, уæд. Фыццаг хатт не стæм ам. Ахæм конференцитæ æрыгон иртасджытæн хорз фадат дæттынц, се `нтыстдзинæдтимæ иннæты базонгæ кæнынæн. Студенттæ, магистранттæ æмæ аспиранттæ кæрæдзиимæ зонгæ кæнынц, сæ зонадон куыстытимæ. Уый ахсджиаг хъуыддаг у. Мæнмæ гæсгæ, ацы конференцийы руаджы бирæ националон фÆрстЫтæ райхалæн ис. Тынг цымыдисаг программæ нын сарæзтой. Скодтой нын зæрдæмæдзæугæ дæсныйад æвдисæг ахуыртæ».

Конференцийы архайджыты `хсæн ис Мæскуыйы паддзахадон университеты филологийы факультеты ахуыргæнæг Олег Беляев дæр. Йæ иртæстытæ баст сты ирон æвзагимæ. Куыд зæгъы, афтæмæй 12 азы размæ ардæм, студент уæвгæйæ, фыццаг хатт куы схæццæ ис, уæд æй ирон æвзаг æмæ ирон адæм, нæ культурæ сцымыдис кодтой. Сфæнд кодта ирон æвзаг ахуыр кæнын æмæ иртасын райдайын.

Олег Беляев, Мæскуыйы Михаил Ломоносовы номыл паддзахадон университеты филологийы факультеты хистæр ахуыргæнæг: «Ацы хатт мæм фæдзырдтой дæсныйад æвдисæг ахуыртæ ирон æвзаджы темæйыл саразынæн. Аспиранттимæ аныхас кодтон, нырыккон компьютерон фæрæзтæй пайда кæнгæйæ ирон æвзаг куыд ис иртасæн, ууыл. Стæй ма грамматикæйы чиныг саразыныл дæр. Бирæ курдиатджын æмæ зондджын фæсивæд æрбамбырд ис конференцийы. Тынг æхсызгон мын у ам уæвын. 10 азы Дæргъæвсы нæ уыдтæн. Мæнмæ гæсгæ, ай у историон æгъдауæй хъæздыгдæр бынæттæй иу. Мæ зæрдæ дарын æмæ æрыгон иртасджытæ-ахуыргæндтæ фылдæрæй-фылдæр кæй кæндзысты, ууыл».

Дарддæр уазджытæ сæ фæндаг акодтой Дæргъæвсы зæппæдзтыл. Археологон куыстытæ дзы кæнын райдыдтой 1993 азы. Къорды сæргъы уыдис историон наукæты доктор ДзАттиаты Руслан. Конференцийы архайджытæн радзырдта сæ куысты тыххæй. Куыд аланты, афтæмæй алайнаг æвдисæнтæй дзаг у ацы бынат. Тынг бирæ алыхуызон дзаумæттæ æмæ мигæнæнтæ ссардтой зæппæдзты. Хæцæнгæрзтæ, æхсаргардтæ, фæрæттæ, фаты цыргъæгтæ, зынаргъ дуртæй арæзт фæрдгуытæ. Æдæппæтæй сбæрæг кодтой 95 зæппадзы. Иу ма дзы цалдæр уатгонды дæр ссардтой.

Цыдæриддæр ссардтой зæппæдзты, уыдон фенæн ис бæстæзонæн музейы. ДзАттиаты Руслан куыд фæбæрæг кодта, афтæмæй хæстæгдæр рæстæг Мæскуыйæ райсдзысты бардæттæг гæххæтт. Куыддæр сæ къухы бафта, афтæ та ногæй бынаты кусын райдайдзысты. Цæгат Ирыстоны гуманитарон æмæ социалон иртæстыты институты историон наукæты доктор Туаллæгты Алан радзырдта бынаты историйы тыххæй. Алантæ ам цæмæн æрцардысты, уый тыххæй. Тынг зæрдиагæй йæм хъуыстой уазджытæ иууылдæр. Алчидæр дзы йæ балцæй баззад разыйæ. Конференцийы архайджыты `хсæн ма уыдис суанг Германийæ уазæг дæр. Цориты Эминæ. Ныртæккæ у институты стажер. Конференцийы бацархыйыны фадат ын кæй фæцис, уый йын тынг æхзызгон уыдис. Цæгат Ирыстонмæ ссыдис ирон æвзаг иртасынмæ. Фыссы докторон куыст.

Конференцийы куыст цыдис куыд этнологон, историон, археологон, афтæ æвзагзонынадон æмæ социологон къабæзты дæр. Абон ма йæ архайджытæ кæрæдзийы базонгæ кодтой сæ докладтæ æмæ зонадон куыстытимæ. Се `хсæн сын иртасджытæ равзардзысты хуыздæртæ. Стæй уæд уыцы куыстытæ ныммыхуыр кæндзысты институты наукон журналы.

 

Хуасдзауты Алинæ

Читайте также
Все новости
Темы
Рекомендуем
О погибшем в зоне СВО бойце Аслане Дзантиеве, о Герое Советского Союза Алексее Остаеве, об учениях сотрудников Росгвардии и эксплуатации боевого оружия
28.03.2024
Интервью с чемпионом по боксу Аланом Хугаевым
27.03.2024
Выбери жизнь
27.03.2024
Руслан Джусоев
27.03.2024
Ставд-Дурта
26.03.2024
Сабырдзинад, туризмы райрæзт æмæ «хурдзаст» сывæллæттимæ куыст
26.03.2024
Цхуырбаты Зарӕ
26.03.2024
Æмбалты Зауырбег
25.03.2024
Къуымæллæггаты Розæ
25.03.2024
Теракт в «Крокус Сити Холле»
25.03.2024
Давид Найфонов
25.03.2024
Канатовы
24.03.2024
В итоге: 24 марта
24.03.2024
Кино
24.03.2024
Синдром отложенной жизни
24.03.2024
Все рекомендуемое