Сергей Меняйло фембæлд Ӕппӕтпаддзахадон телерадиокомпани «Мир»-ы сæрдар Радик Батыршинимæ. Уый Цæгат Ирыстонмæ ссыд кусæг балцы. Ныхас цыд æмгуыстады фарстатыл. Республикæйы сæргълææууæг куыд фæбæрæг кодта, афтæмæй телерадиокомпани «Мир»-æн культурон бастдзинæдтæ æмæ нациты ‘хсæн хæлар ахастдзинæдтæ фидар кæныны хъуыддаджы стыр ахадындзинад ис. Ацы аз информацион холдингыл сæххæст 30 азы.
Абон ын ис 11 филиал æмæ минæварады Хæдбар паддзахæдты æмбалад æмæ Гуырдзыстоны. Телерадиокомпани «Мир»-ы Цæгат Кавказы филиал байгом 1995 азы, æрбынат кодта Дзæуджыхъæуы. Телеуынынады райрæзт æмæ бирæ азты дæргъы пайдахæссæг архайды тыххæй Радик Батыршин хорзæхгонд æрцыд «Ирыстоны намысæн» майданæй.
